Page 2 - AWEMAINTA
P. 2
2 AWEMainta Diaranson, 26 Juli 2017
Di acuerdo cu publicacion periodistico na Punto Fijo
Guardia Nacional a confisca lote miyonario di
materialnan promocional pa algun partido politico
HOPI biaha, y no ta for di awor, politico y otro organisacionnan ta busca
material promocional mas barata y ta bay Venezuela pa busca esakinan.
Pero e siman aki, La Informacion.com a publica cu Guardia Nacional a confisca
un lote miyonario di material pa propaganda pa un of mas partido politico na
Aruba. Loke cu a keda confisca ta ser evalua na 300 mil dolar, cu ta consisti di
flanel, petchi, bandera, etc.
Autoridadnan di Guardia Nacional a evita cu e materialnan aki lo drenta di
contrabanda na Aruba, pa cual nan a avisa Aduana na Aruba di e cargamento
aki, cu tabata riba lanchanan Venezolano cu tin custumber di nabega entre
Estado Falcon y Aruba.
Na Aruba ora cu a sinti e cayente, un di e partidonan politico aki, a dicidi di
bay paga nan parti di Invoerrechten y como tal a legalisa nan cargamento, cu
no tabata nada di contraband, manera autoridadnan Venezolano a kere di lo ta.
