Page 4 - DESPA

Ban yuda un detenido cu mester asistencia
medico urgente

Suplica di ciudadano

ORANJESTAD (AAN): Un dama a trece na DIARIO, un suplica pa publica un keho
relaciona cu algo cu ta pasando den Prison di KIA.E ta relaciona cu un detenido cu ta
sintando su castigo inhumanamente den KIA. Nos tur ta hende, nos tur ta comete eror,
e ta pagando pa esey caba. E ta un hende malo di salud, e tin hopi tempo caba ta sinti
diferente sintoma cu no ta lage tin tranquilidad ni paz.E dokter nan di KIA ta manda
haci diferente test, cu te ainda no a saca afo kico e persona aki tin! Nan ta dune
diferente medicamento cu no ta yude cu su malestar nan, e unico cu ta jude ta
Otrivin. E ta un persona cu rosea cortico, e tin problema cu nanishi.Tin varios siman
nan caba cu e persona ta pidi pa asistencia medico. Ora bo ta sinti malo, bo kier bay
dokter toch? Pero logicamente un detenido no por haci esey, pesey e ta pidi pa nan un
manera bon pa nan hibe y ni asina. E docternan aki ta nenga di wak e, nan ta bisa cu e
tin problema mental. Acaso nan ta sinti pe?E cos aki ta inhumano, awo ariba di esaki,
nan a mande cashot, un lugar afgekeurd, un lugar cu di baina bo por hala rosea. E
informacion nan aki ta e mes a bisa un fami, door cu e por a sali 1 ora pa hala rosea
drechi y yama su famia nan.El a bay cashot supuestamente pa falta di respet, e
persona aki no por mas, el a pidi hopi biaha na un bon manera pa nan atende pero cu
ningun resultado.Imagina bo sera den cuater muraya y sintiendo bo masha malo mes,
bo ta sinti bo curazon ta bay sali foi bo pecho bo rosea ta caba cubo, bo ta pidi
asistencia medico, y nan ta bolbe nenga di wak bo y hari bo tambe, pasobra nan ta
pensa “bo ta loco”.Como ser humano cu nos tur ta, serio bo ta cansa. E cos aki ta dolor
y frustrante pa e detenido y nos como su ser keri nan.Famia ta pidi na tur e instancia
nan y na Minister Arthur Dowers pa yude cu su salud, por fabor drecha e inhusticia aki.