Page 25 - HOH

www.awemainta.com www.facebook.com/awemainta noticia@awemainta.com 583-1400 DIAMARS 30 NOVEMBER 2021
LabHOH ta trankilisa comunidad di Aruba:

Test di Covid-19 y e variante di Omicron

A detecta recientemente mundialmente un variante mas den loke ta
Covid-19 conoci como Omicron. LabHOH intensivamente ta monitor
e mutacionnan di Covid-19 na Aruba y comunidad por ta trankil y
sigur cu e testnan cu ta haci akinan ta detecta e virus.

LabHOH ya caba a conduci un evalucacion di e Omicron variante
y tin confiansa cu tur test cu Lab ta haci, esta test regular di Covid
PCR, rapid Covid PCR, ultra-rapid Covid PCR y Covid Antigen tests
ta detecta e virus. Mientras e variante Omicron ta contene mutacion
di e ‘spike protein’, e testnan di LabHOH no ta depende riba e ‘spike
proteins’ pa detecta e virus.

E variantenan a cambia fundamentalmente e tereno y trayectorio di
e pandemia rond mundo. Awor mas cu nunca, e parti di test ta un
parti critico pa Aruba y su reaccion pa loke ta Covid-19 y LabHOH
su prioridad mas halto ta disponibilidad y confiabilidad di testnan pa
nos comunidad y tambe turista.

E proceso pa evalua variante no ta stop cu e variantenan actual.
LabHOH activamente ta keda monitor e desaroyonan mundial pa
motibo cu ta importante pa testnan cu LabHOH ta conduci por
detecta variantenan nobo.
LabHOH tin un team di scientificonan dedica na continuamente
optimalisa e strategianan di test.

Ademas di por detecta e variantenan multiple di Covid, LabHOH ta e
unico laboratorio den Caribe Hulandes cu por distingi e variantenan
cu actualmente ta circulando y ta haci esaki semanalmente riba un
cantidad di muestra cu resultado positivo.

Actualmente LabHOH ta procesa mas cu 100.000 test di Covid pa
aña pa yuda sostene Aruba y e crecemento den loke ta turismo.
Banda di e testnan di Covid LabHOH ta procesa mas di 80% di tur
testnan laboratorio medico na Aruba.