Page 28 - UTILITIES
P. 28
NV ELMAR cabando cu instalacion di
12 mil luz di caya LED
Posted on 07/23/2017 6:05 pm AST | Updated on 07/23/2017 8:49 pm AST
ORANJESTAD - NV ELMAR ta cabando cu instalacion di 12 mil luz di caya LED
rond di Aruba. “Ta un trabou duro e ekipo special aki forma pa mas o menos 15
empleado a logra pa nos e ultimo añanan aki. Mi ta masha orguyoso di nan”, Ing. Robert
Henriquez, director di NV Elmar a duna di conoce diabierna ultimo. Tabata un bon
momento pa conta cu entretanto a instala no menos di 10 mil luznan LED rond di nos isla
caba y cu falta solamente 2 mil mas pa instala. Eseynan den su mayoria ta esunnan color
oraño cu ta uza na crusada y rotondenan.
Henriquez ta corda ainda con a cuminsa cu e proyecto aki poco poco na aña 2013, pero
cu desde 2015 a intensivo e proyecto den forma mas rapido y mas eficiente. Ta uza dos
ekipo di 5 empleado cu ta bay riba caya y pasa palo di luz pa palo di luz pa reemplasa e
bombionan bieu cu e luznan modelo LED nobo aki. Paden tin un otro 5 empleado mas,
incluyendo e ingenieronan cu ta planea e trabounan den forma adelanta.
Ora papia di luznan LED, mester pensa mesora riba un modelo cu ta traha hopi mas
eficiente, specialmente den uzo di coriente. Separa di e eficiencia, e ta brinda hopi mas
