Page 22 - ATA

pa asina eynan para y informa tambe e instancianan manera Kustwacht, Maritiem Politie,

pa no actua contra di e piscadonan, tanten cu no bin un reunion y un sondeo, di kico e

piscadonan ta pensa tocante di e ley aki. Mirando cu ta traha pa conserva pesca na Aruba

y e piscadonan tambe, ta proteha nan, a haya esaki como sorpresa. Esaki sigur ta algo cu

no por bay sin mas.

Reunion cu tur piscado

Segun Rosa, pesey ta haci un yamada na e piscadonan. Den e caso aki, piscadonan di

baranca, piscadonan di reda, tur cu ta considera nan mes piscado, ta wordo invita pa asina

dia 10 di October, na Piedra Plat Entertainment Center, pa 7’or di anochi, lo bay tin un

reunion general cu tur e piscadonan, pa asina eynan haya e informacion aki con e asunto

aki a cana. Pa e reunion aki tin’e caba den trabao, caminda cu ta bay pidi tanto e firma di
e piscadonan, pa asina sostene un carta cu ta bay sali pa Gobernador, por medio di

Parlamento di Aruba, pa asina eynan mustra e mal contento cu e mundo di piscadonan tin

aki na Aruba.

Actualmente ta mantene pa e parti di piscamento, pero sa cu e ley aki ta un ley cu ta
atacha e sector primario completamente y Centro di Pesca Hadicurari ta sostene cualkier

otro cu lo ta desea di sigui fomenta nan disgusto pa loke ta e ley aki cu a sali for di un dia

pa otro, mirando cu no tabata tin ningun envolvimento cu e NGOnan pa e desaroyo di

kico lo ta e impacto pa e ley aki.