Page 24 - ATA

piscadonan, pa asina ey sostene e carta cu ta bay wordo manda como e ultimo recurso

tambe pa para e parti di e ley aki, pa asina proteha tambe nos productornan local, cual cu

por mira ehempelnan di Boneiro, ehempel di Corsou, pa no bay mucho leu. Ta mira cu na

Corsou tin un ley di proteccion pa e productor. Pa e piscado, pa e cunukero, e agricultor,

pa cierto di cosnan asina tambe wordo implimenta na Aruba. Ta comprende cu tin

diferente aspecto di comercio ta andando na Aruba, caminda cu di tur otro parti, e

productonan aki ta wordo importa y ta lagando nos mesun hendenan un banda y esaki ta
sigur un momento pa por reflexiona y pone nos mes como local, como Arubianonan, con

nos ta bay atende nos mes cu cierto ponencia cu Gobierno ta bin cun’e. Pa esaki, e

invitacion ta bay na henter e comunidad piscado, na nan famia, comedo di pisca,

cumprdo di pisca, bendedo di pisca na Aruba, pa asia ey bin hunto dia 10 di October, pa

7’or di anochi na Piedra Plat Entertainment Center camind cu lo bay tin un reunión, unda

cu lo bay sigui elabora riba e tema di proteccion aki.

Gobierno nobo

Rosa a splica cu nan tin cu mira como esnan cu ta afecta, no ta worry ken ta forma

Gobierno. E ta punto sigur cu nan por wak e experiencia di tempo di Spearfishing, cual a

kita un deporte, a kita un sistema di pesca pa algun famia cu esey ta nan tradicion. Nan

tradicion ta, tira pisca y bo no a regla nada. Te awe ainda no tin un regulacion pa

spearfishing. Esey no ta bay pa e Gobierno, e ta bay pa simplemente pa e

departamentonan di Gobierno, cu ta traha riba ley. Por papia di awor aki, tin Directie
Natuur en Milieu, tin e departamento di ley mes, Directie Wetgeving. Tin diferente

instancia cu no importa cua Gobierno bin na mando, nan como departamento Semper lo

sigui traha basa rba ley cu nan ta fomenta. No por bay sinta warda ken ta bay forma

Gobierno awor aki.