Page 57 - AFTERNOON NEWSPAPER

Tambe autoridad a mira cu e victima masculino, su cabez tabata habri. Ambulance tambe a yega
mesora na e lugar. Eynan a pidi presencia di dokter mirando e situacion cu nan a topa cune.

Cu yudansa di Brandweer a logra saca e victima for di e auto y pa mas o menos 4:45 am, Dr.
T.H.K. Lin a constata morto di e chauffeur.

Hopi no por a haci mas pa e victima. E impacto y e forma cu e auto a brasa e palo di luz tabata
na e banda robez unda e chauffeur tabata sinta. Kico a pasa ainda no tin masha claridad mirando
cu e investigacion mester tuma lugar.

E marcanan riba caminda a duna un indicacion cu e auto a bay den un scual formal prome cu e
impacto debi na e velocidad halto. Tambe por deduci esey, debi cu a bin haya e bateria di e auto
en cuestion mas o menos 300 meter leu for di e lugar di impacto. Esaki ta e palo cu e borchi
grandi net pazuid di ex-John F. Kennedy School.

Mas den dia, Polis a logra di identifica e victima, y e ta Frank Alfonso Riccioli Huguett, naci na
Venezuela dia 27 di November 1986, pues ta di 28 aña di edad. E ta biba na Paramira 15. Cu
esaki Aruba ta conoce e di 5 morto den trafico pa loke ta 2015.

Na famia di e fayecido, DIARIO ta manda palabranan di condolencia.

http://www.diario.aw/2015/05/accidente-fatal-a-costa-bida-di-un-hoben-di-28-ana/