Page 58 - AFTERNOON NEWSPAPER
P. 58
Dos unidad di Cuerpo di Bombero pa corta auto machica
May 7th, 2015
Local
Diaranzon alrededor di 4:30am a activa Cuerpo di Bombero pa un caso di accidente pisa na
altura di rotonde Las Americas. E yamada tabata bisa cu tin victima pega den auto pa cual e
“Materialenwagen” a bay den accion mesora. Manera custumber, asina cu e truck di rescate sali,
ta saca un unidad di spuitwagen cune. Lamentablemente na e sitio no por a haci mucho mas cu
corta e auto pa saca e victima sin bida for di e situacion cu e tabata aden.
Na yegada di e unidadnan di Brandweer na e sitio di accidente, nan a constata cu tabatin un auto
marca Toyota, modelo Yaris color blanco pega tur rond di un palo di borchi di indicacion.
Tambe a constata cu tabatin un victima den e auto pega, pero cu no tabata duna señal di bida.
Bomberonan na e sitio, uzando material pisa, a corta e auto di tal forma cu por a duna e dokter
acceso na yega na e victima, mientras cu mester a bay cu e cautela necesario pa sigura cu no tin
mas victima pega den e auto machica. Tambe a probecha di busca den vecindario pa mira si door
di e impacto no a saca mas victima for di e auto laga banda di caminda.
Despues cu Dokter a constata morto di e victima, a habri e auto por completo pa por a saca e
victima y entreg’e na funeraria.
Cuerpo di Bombero ta gradici Cuerpo Policial y Servicio di Ambulance di ImSan pa nan
cooperacion y ta expresa palabranan di condolencia na famia di e fayecido.
Cuerpo di Bombero Aruba ta existi desde aña 1976, como un departamento independiente.
Prome cu esey e tabata parti di e trabounan di Polis. Awendia e ta conta cu 160 empleado, di cual
112 ta traha activamente cu combatimento di candela. E empleadonan ta parti den 3 diferente
post, situa na San Nicolas, na Aeropuerto y na Tanki Flip. Pa aña nan ta responde na mas o
menos 1600 melding, cu ta varia entre combatimento di candela, rescate, yudansa special y
trabounan na aeropuerto.
May 7th, 2015
Local
Diaranzon alrededor di 4:30am a activa Cuerpo di Bombero pa un caso di accidente pisa na
altura di rotonde Las Americas. E yamada tabata bisa cu tin victima pega den auto pa cual e
“Materialenwagen” a bay den accion mesora. Manera custumber, asina cu e truck di rescate sali,
ta saca un unidad di spuitwagen cune. Lamentablemente na e sitio no por a haci mucho mas cu
corta e auto pa saca e victima sin bida for di e situacion cu e tabata aden.
Na yegada di e unidadnan di Brandweer na e sitio di accidente, nan a constata cu tabatin un auto
marca Toyota, modelo Yaris color blanco pega tur rond di un palo di borchi di indicacion.
Tambe a constata cu tabatin un victima den e auto pega, pero cu no tabata duna señal di bida.
Bomberonan na e sitio, uzando material pisa, a corta e auto di tal forma cu por a duna e dokter
acceso na yega na e victima, mientras cu mester a bay cu e cautela necesario pa sigura cu no tin
mas victima pega den e auto machica. Tambe a probecha di busca den vecindario pa mira si door
di e impacto no a saca mas victima for di e auto laga banda di caminda.
Despues cu Dokter a constata morto di e victima, a habri e auto por completo pa por a saca e
victima y entreg’e na funeraria.
Cuerpo di Bombero ta gradici Cuerpo Policial y Servicio di Ambulance di ImSan pa nan
cooperacion y ta expresa palabranan di condolencia na famia di e fayecido.
Cuerpo di Bombero Aruba ta existi desde aña 1976, como un departamento independiente.
Prome cu esey e tabata parti di e trabounan di Polis. Awendia e ta conta cu 160 empleado, di cual
112 ta traha activamente cu combatimento di candela. E empleadonan ta parti den 3 diferente
post, situa na San Nicolas, na Aeropuerto y na Tanki Flip. Pa aña nan ta responde na mas o
menos 1600 melding, cu ta varia entre combatimento di candela, rescate, yudansa special y
trabounan na aeropuerto.
