Page 10 - FUNDASHON LOTTO PA DEPORTE
P. 10
30 AWEMainta Diabierna, 9 Maart 2018
Deporte
Tropical Bottling Co. conhuntamente cu Aruba Wine and Dine
Presencia en bibo pelea di Gregory Milliard na Brazil
E atleta Arubano Gregory Milliard ta na Sao Paulo, Brazil, pa
participa den e “Absolute Championship Berkut”. En conex-
ion cu e pelea aki Tropical Bottling Company hunto cu Aruba
Wine and Dine a organisa e evento di “Live Viewing”. Meta
di Tropical Bottling Co. y Aruba Wine and Dine ta pa duna
bek na e deporte di MMA, cu un bar y cushina bon surti. E
fondonan recauda na e evento aki lo bay pa e scol di MMA
di Gregory Milliard pa asina sigui engrandece e deporte aki.
E evento di Live Viewing lo tuma luga na scol di MMA di
Gregory ‘The Aruban Assassin’ Milliard na Piedra Plat, porta
lo habri pa 4:00pm mientras cu e live streaming lo cuminsa
pa 5:00pm. E atardi aki lo tin asiento pa 200 persona y en-
trada ta gratis pa tur hende.
Gregory Milliard su contrincante di dia 9 di Maart 2018 lo
ta Hoffmann y nan lo ta bringando den e categoria di Mid-
dleweight superfight. Gregory Milliard a prepara su mes p’e
pelea aki y ta cla pa representa Aruba na Brazil. Tropical Bot-
tling Company y Aruba Wine and Dine ta invita tur hende
pa bin mira e pelea en bibo riba diferente pantaya grandi.
