Page 7 - FUNDASHON LOTTO PA DEPORTE
P. 7
Diabierna, 9 Maart 2018 AWEMainta 21
Inscripcion pa e Campeonato di Mens
Erger Je Niet “LIVE” ta 11 dia di April
CENTRO di Bario Brazil informa tur
teamnan cu kier participa den e campeonato
di Mens Erger Je Niet “LIVE” 2018 , cu e dia
di inscripcion ta dia 11 di April pa 7:00 pm.
E campeonato mes ta cuminsa dia 21 april
2018 cu desfile pa 7:30 pm cu 1 wega.
Teamnan nobo cu kier participa por tuma
contact cu EDDIE DANDLAU na cell
5662208 of Whatsapp.
Tur otro team cu sa participa den e campe-
onato tambe mester confirma. Corda cu no
tin hopi lugar dus confirma pa bo no keda
“AFUERAaaaaa”.
Torneo Internacional di futbol
Himno y Bandera 18 Maart lo
celebra nan di 31 aniversario
E organisacion di LIFIDA cu semper a organisa e
torneo di futbol infantil na Aruba conmemorando
asina nos dia nacional Himno y Bandera 18 di maart
lo celebra e anja aki nan di 31 aña aniversario. Anja
pasa LIFIDA a festaha e torneo engrande cu nan 30
aña, pero e anja aki no lo ta diferente. E seleccion
nacional di futbol U-13 a prepara nan mes den forma
tremendo pa e compromiso internacional aki y ta
cla paduna bon prestacion den e di 31 edicion di e
‘Torneo Internacional Aruba Himno y Bandera 18
Maart’.
Mester bisa cu e seleccion tin lunanan largo ta
prepara pa e grandioso torneo aki y ta conta cu
e apoyo di e comunidad di Aruba specialmente
amantenan di futbol pa yega stadion y mustra nan
patriotismo y solidaridad cu e seleccion. Anja pasa
Aruba a titula campeon di e torneo y lokier ripiti e
titulo un bes mas. E aña aki tin 4 pais ta participando
cu ta: Bonaire, Colombia, Corsow, y mas cu claro
Aruba.
E torneo lo ta e dianan 14 te cu 18 maart mientras e
seleccion di Aruba U-13 lo enfrenta cuater seleccion
di exterior. Riba 14 di maart, Aruba lo enfrenta
Boneiro, pa su mañan 15 di maart, Aruba lo enfrenta
Colombia, e dia 16 di maart Aruba lo hunga contra
Corsow, mientras e final nan lo ta Dia 18 di maart
riba e Dia Nacional Himno y Bandera. Ban apoya nos
muchanan y claro tur otro pais pa asina nos sigui
engrandese e torneo internacional di futbol infantil.
