Page 4 - bon-dia-aruba-20220503

A4 LOCAL
Diamars 3 mei 2022
Dia Internacional di Baile – Adriana Kozlov:

“A traves di nos baile, a traves di nos expresion nos ta

duna speransa, nos ta encontra libertad”

Diabierna ultimo, dia 29 di april 2022, mundo di arte a celebra Dia
Internacional di Baile. E dia special aki a wordo estableci pa e comite Por ultimo Kozlov a gradici e comunidad di Aruba pa e sosten na henter e
di baile di e Instituto Internacional di Teatro (International Theatre comunidad di baile di Aruba, “sin esey tampoco nos no lo por continua haci
Institute, ITI), na 1982 y e aña aki ta cumpli 40 aña di celebracion di e locual nos ta haci”, el a finalisa.
fecha aki.

ITI a scoge 29 di april como e fecha oficial pa e celebracion di Dia Internacio-
nal di Baile pasobra e echa aki tambe ta e fecha di nacemento di e bailarin y
coreografo Frances, Jean-Gorges Noverre, creador di ballet moderno.

Dia Internacional di Baile ta wordo celebra pa promove e importancia y rel-
evancia di baile como un disciplina di arte, celebra e diferente formanan di
baile rond di mundo reuniendo tur cu a scoge e forma aki di expresion sin
bareranan cultural, politico ni etnico.
Baile ta un forma di arte, un forma di movemento cu tin beneficionan impor-
tante den e bida di ser humano, specialmente den e crecemento y desaroyo di
mucha. Diferente investigacionnan ta apunta cu baile ta beneficia tanto e salud
fisico como salud mental.

E ta kima caloria, ta fortalece musculonan, ta mehora ekilibrio, ta aumenta
flexibilidad y ta duna curason un bon training. Tambe a keda demostra cu baile
ta aumenta e desaroyo cognitivo. Investigacion actual ta documenta e impor-
tancia di ehercicio pa e cerebro y ta respalda cu personanan cu ta baila semper
tabata sa cu e mente y e curpa ta conecta di manera vital.
Uso di baile den educacion ta yuda e muchanan desaroya habilidadnan cu ta
necesario pa nan enseñansa, manera creatividad, comunicacion, pensamento
critico y colaboracion. A traves di e proceso creativo ta encurasha studiantenan
pa usa nan imaginacion, colabora cu otro muchanan pa resolve problemanan y
descubri diferente solucionnan na desafionan.

Diabierna ultimo Adriana Kozlov, Manager y Instructor di baile di e scol Ko-
zlov Dance Academy di Aruba, a brinda un mensahe pa henter comunidad di
Aruba ariba e Dia Internacional di Baile. Kozlov, originalmente di Merca, a
expresa con impresionante ta cu na Aruba, un isla chikito, tin asina hopi scol y
grupo di baile cu ta contribui na e desaroyo di e forma di arte importante aki.

“E ta hopi importante pa nos celebra e dia aki, no solamente pa e profesion-
alnan cu ta baila of e studiantenan cu ta train, pero pa tur hende na Aruba cu
gusta baila y cu gusta move. P’esey e ta un celebracion pa un y tur”, el a señala.

Kozlov a remarca cu Dia Internacional di Baile ta un dia unda cu henter mun-
do por bin hunto y uni den un lenguahe comun, cu ta movemento usando e
curpa humano como instrumento y a recorda cu baile no tin nacionalidad y ta
crusa tur barera, “specialmente den e mundo actual ta hopi importante pa uni
hende via otro manera y pa nos esey ta arte, specificamente baile”.

Dia Internacional di Baile no ta un dia pa celebra solamente esnan cu ta baila
of gusta expresa nan mes via arte, Kozlov a subraya, pero ta un dia pa celebra
tambe e instructornan di baile, coregrafonan, musiconan cu ta inspira e bunita
bailenan cu nan musica, diseñadornan di costume, di set, e amantenan di bal-
let, e personanan cu ta presencia e shownan y tur otro persona cu ta contribui
colectivamente na e bunita forma di arte aki.

El a enfatisa cu e ta un dia reflexiona y reconoce esnan cu a bin prome y cu a
crea e caminda pa e bailarinnan di awe, cu a pasa nan tradicionnan di baile y cu
tambe a yuda e arte evoluciona. “Haciendo esaki, compartiendo y reconoci-
endo esaki nos por motiva y inspira futuro generacionnan”, el a expresa.

E prome parti di su mensahe, Kozlov a dirigi na e bailarinnan: “Mi kier bisa
nan pa nan sigui crea, pero tambe pa nan sigui educa nan mes pa asina nos por
sigui avansa. Nos nunca no sa suficiente, bay eyfo, absorbe y siña lo mas cu
bo por. Expande bo vision di baile pa persevera durante e momentonan dificil
y pusha e dudanan un banda y bay eyfo y traha algo cu abo ta haya bunita. A
traves di nos baile, a traves di nos expresion nos ta duna speransa, nos ta en-
contra libertad y otro hendenan ta encontra libertad”.

E segundo parti di su mensahe tabata pa tur e instructornan di baile: “Boso ta
haciendo un tremendo trabou, constantemente tin presentacionnan di baile,
studiantenan cu ta bay afo y ta expande nan conocemento. Ban mantene e
forma di arte aki na bida, mantene e pasion, sigui traha duro, lucha pa hisa
e nivel y inspira e siguiente generacionnan traspasando na nan tradicionnan,
pero tambe introduciendo formanan nobo di movemento”.