Page 24 - AM250211
P. 24
24 TENDENCIA AWEMainta Diamars, 11 Februari 2025
T EN D ENC I A
Coyar primavera-zomer 2025
E acesorio strea cu tambe ta luci rib’e tasnan
E coyarnan a pasa di ta un simpel complemento pa
converti den un declaracion di estilo. P’e temporada
primavera-zomer 2025, su protagonismo lo sigui den
un boom, pero cu un twist inespera: no solamente nan lo
dorna e nek, sino tambe lo por bisti bo tas. E tendencia
aki, mira den e street style di e ciudadnan mas influy-
ente di moda, ta perfecto pa esunnan cu ta busca pa
duna un toke di personalidad na nan acesorionan.
Encuanto estilo, tin seis coyar cu lo domina e escena.
E diseñonan tipo tennis, cu su elegancia atemporal, lo
sigui ta un basico infalibel. E multicharmsm carga di
detaye dibertido y significaivo (corda riba Pandora),
lo aporta un aire di wega. E torque, cu su structura
rigido y sofistica, lo marca presencia den e looknan mas
vanguardista. Tambe lo ta den tendencia e coyarnan
largo y minimalista, ideal pa esunnan cu ta prefera
sutilesa. Naturalmente e clasiconan di perla, lo mantene
nan encanto elegante, mientras cu e coyarnan di bolita
di colo ta agreg frescursa y dinamismo na cualkier bisti.
Coyar na tas: e clave di estilo maximalista
E temporada aki, e lema ta cla: “mas ta mas” ta sigui
na moda. E expertonan den moda a hiba personali-
sacion di tas na un otro nivel, incorporando coyar yama-
tivo manera elemento decorativo. E clave ta pa scoge
e piesanan mas “opvallend” cu detaye manera perla,
charms of cuenta den tono vibrante. Tambe, si bo tabata
parti di e fiebre di e yaberonan personalisa den winter,
e tendencia nobo aki lo permiti bo combina nan cu e
coyarnan pa un efecto ainda mas impactante.
Si bo kier join e trend aki, aki bo tin algun di e coyarnan
mas busca di e temporada:
Coyar di cordon cu conopi y perla di Zara (29,95 €)
Coyar cortico di cuenta cu letter di Parfois (15,99 €)
Coyar cu hanger - H&M (4,99 €)
Coyar largo cu piedra multicolor y curason – Bimba y
Lola (37,50 €)
Coyar di forma combina – Mango (25,99 €)
Coyar largo di ceramica Watermelon – Cashfana (79,99
€)
E primavera-zomer aki, e coyarnan lo t’e acesorio infal-
tabel. Lo bo tribi di innova y bisti nan di un forma dife-
rente?
