Page 28 - AM250211

28 COMUNIDAD AWEMainta
Kibrando barera
Muhe y mucha muhe cu ta transforma ciencia
TUR 11 di februari, mundo ta celebra Dia Internacional di
e Muhe y e Mucha Muhe den Ciencia, un fecha pa reconoce
e lucha di asina tanto muhe cu a cambia historia cu nan
conocemento y dedicacion. For di Marie Curie te n’e cienti-
ficonan contemporaneo cu ta traha den e cura di malesa of
e exploracion di espacio, nan contribucion tabata crucial.
Sinembargo e caminda no semper tabata facil. Durante
varios siglo, e muhenan a enfrenta barera cu a impedi nan
yega na educacion y reconocemento den e ambito cientifico.
Ainda awendia, hopi mucha muhe ta crece sin referente
den ciencia. A pesar di e avanenan, e espacio di genero
ta sigui ta evidente den campo manera tecnologia, inge-
nieria y matematica. Pero cada biaha mas mucha muhe ta
reta e obstaculonan aki, impulsa p’e deseo di descubri, crea
y cambia mundo. Danki na programa di mentoria, beca y
maneho di igualdad, ta habri mas porta pa nan por soña cu
ta ingeniero, dokter, astronomo of investigado.
E storia di e muhenan manera Ada Lovelace, kende a imagina
Diamars, 11 Februari 2025
e programacion hopi mas prome cu computer a existi of
Rosalind Franklin, cual investigacion tabata clave pa descubri
e structura di DNA, ta inspira e generacionnan nobo. Tambe
e cientificonan di awendia, manera e biologo marino Sylvia
Earle of e ingeniero aeroespacial Diana Trujillo, kendenan ta
sigui retando e limitenan di conocemento.
Sinembargo, ainda tin reto. Na hopi parti di mundo, e mucha
muhenan ta enfrenta stereotipo cu ta bisa nan cu ciencia
no ta pa nan. Falta representacion den buki di texto, den
laboratorio y den posicion di liderazgo. P’esey, ta vital sigui
promove espacio caminda e futuro cientificonan por sinti
welcome.
Celebra e dia aki no solamente ta un homenahe, sino un
yamada na accion. E ta un invitacion pa motiva e mucha
muhenan curioso pa sigui cu nan soño y pa crea un mundo
caminda talento y pasion ta mas importante cu e genero.
Ciencia mester mas mente briyante y hopi di nan ta pertenece
na hende muhenan y mucha muhenan cla pa haci historia