Page 83 - AVP

Rocco Tjon, Lider Di Fraccion Di MEP: Parlamento A

Fiha Fecha Pa Entrega Pregunta Riba “Ley Di

Identificatieplicht”

 Politica
- 03/12/2019

Dialuna ultimo den un reunion di Comision Central, Parlamento a dicidi cu e ultimo dia
pa entrega pregunta riba e “ley di identificatieplicht” ta bira 17 di januari 2020.

E Parlamentarionan cu a entrega e ley aki, esta sres. Tevreden y Tjon, lo tin tempo
despues pa contesta e preguntanan aki pa despues e ley por wordo trata.

LEY DI “IDENTIFICATIEPLICHT”
E necesidad pa introduci e ley aki ta pa por combati criminalidad mas eficaz. Un mihor
mantencion di orden di regla y mas seguridad den area publico, por wordo logra cu
introducion di un obligacion pa identifica bo mes si Polis puntrabo pa haci esaki den
cuadro di ehercemento di su tarea

E ta un instrumento cu ya caba ta wordo uza den diferente parti di mundo y Reino. Na un
banda e ta hisa seguridad pa tur ciudadano, pero di otro banda e ta eleva seguridad tambe
p’e oficial cu ta eherce su tarea.