Page 84 - AVP
P. 84
REGLA DI EVALUACION
Den e ley a incorpora un regla di evaluacion pa garantisa cu despues di 3 aña ta evalua
con eficaz y eficiente e instrumento tabata. Ta importante pa midi si e meta pa cual a
introduci e ley wordo logra of si mester kizas adapta e ley.
Importante pa bolbe acentua cu e ley aki lo percura pa haci’e posibel pa Polis por
determina identidad di un persona si esaki ta necesario p’e eherce su tarea. E persona en
cuestion tin pues un obligacion pa mustra e Polis su papel di identificacion.
Consecuentemente esaki lo eleva seguridad den areanan publico, pero tambe p’e
oficialnan den ehercemento di nan funcion.
CAMPAÑA DI CONCIENTISACION
Tambe a señala e necesidad pa prome cu e ley drenta na vigor bin cu un campaña di
concientisacion. Esaki pa splica na pueblo e indole di e ley, e obligacion, pero tambe e
derecho di cada ciudadano.
Tambe cada Polis y “bijzondere opalsporingsambtenaar” lo mester sigui un curso y
training p’e uzo di e instrumento aki.
PA CONCLUI
Den e simannan nos dilanti nos lo saca structuralmente articulonan informativo riba
diferente partinan di e ley. Esaki pa splica pueblo exactamente kico e ley ta ensera, segun
Rocco Tjon.
