Page 17 - MIN SOC
P. 17
38 AWEMainta Diabierna, 11 December 2015
Evelyn Wever-Croes:
Parlamentarionan
di MEP ta alegra
pasco di nos
grandinan
LIDER di MEP, Evelyn Wever-Croes y
Parlamentarionan di MEP a regala Stichting
Thuiszorg na Jaburibari un bunita kerstboom y a
decora esaki hunto cu nos grandinan.
“Esaki ya ta un tradicion di nos. Nan a aserca nos y
cu gusto nos ta cumpli cu nan peticion. Nos mes a
hiba e kerstboom y decoracionnan y nos a decora
e kerstboom. Asina nos ta pasa poco tempo cu nos
grandinan y alegra nan dia. Mi ta hopi agradecido
na mi coleganan y especialmente na Xiomara cu
a traha decoracion bunita p’e kerstboom. Nos
grandinan a traha duro pa nos tin e pais aki awe pa
lanta nos yiunan. P’esey ki ora cu por nos mester
mustra nan nos gratitud y duna nan atencion. Nos
ta gradici directiva di e Stichting pa permiti nos
hasi e gesto aki”, ta palabranan di lider di MEP,
Evelyn Wever-Croes.
