Page 31 - MIN ON

AWEMainta Diaranson, 27 September 2017 5

Ultimo dia di inscripcion

pa Landsexamen 2018

DEPARTAMENTO di Enseñansa Aruba (DEA)
seccion Examenbureau ta recorda un y tur cu e ultimo
dia di inscripcion pa Landsexamen VWO/HAVO/
MAVO 2018 ta diabierna awo dia 29 september
2017.
E formulario pa inscribi ta obtenibel rib’e website
di Departamento di Enseñansa Aruba [www.ea.aw].
Download e formulario pa inscribi y yen’e.
Entrega e formulario yena completo y corecto hunto
cu un uittreksel di Bevolkingsregister di Aruba na bali
di Examenbureau, na Belgiëstraat #2. Ultimo dia pa
haci esaki ta diabierna dia 29 di september 2017.

Tur inscripcion cu drenta despues di 29 di september
2017 y esnan cu no ta yena completo no ta bini na
remarca pa wordo procesa.

Candidatonan cu ta cumpli cu tur reglanan di inscrip-
cion y a pasa e “screening” ta wordo notifica pa pasa
entrega tur documentonan necesario y recibo di pago
pa completa e inscripcion.

Na Landsexamen VWO/HAVO/MAVO 2018 por
participa esnan:
1.
a. cu a entrega nan formulario di inscripcion na tempo
(prome cu dia 1 di october 2017), yena completo y
na e instancia concerni;
b. cu a paga na tempo e suma concerni pa por pasa
examen;
c. cu entrante 1 di april 2018 tin e edad di:
17 aña of mas pa por participa na e Landsexamen
MAVO;
18 aña of mas pa por participa na e Landsexamen
HAVO;
19 aña of mas pa por participa na e Landsexamen
VWO.

2. Excluyendo punto 1, por participa tambe na
Landsexamen esnan cu ta bay un MAVO, HAVO OF
VWO scol y cu kier logra un “1-vakdiploma” rib’e
mesun nivel di scol cu nan ta siguiendo. E materia
aki no mag forma parti di e pakete di materianan cu
e candidato a scoge na scol.

Certificadonan obteni na Aruba ta valido pa un
periodo maximo di 10 aña entrante 1 di augustus
2012. Esaki ta nifica cu certificadonan mas bieu cu
10 aña no por wordo uza mas pa obtene un diploma
di VWO, HAVO OF MAVO.

Pa mas informacion por acudi na website [www.
ea.aw] y busca Landsexamen den e alfabet menu bou
letter L. Tambe ta consehabel pa sigui e desaroyonan
a traves di pagina di Facebook @educationaruba.