Page 21 - MIN JUS 30 SEPT 2015

DIARANZON 30 SEPTEMBER 2015 DIARIO
“Clean Up” y “Dirty up” nos isla limpi
cu tin nomber di Aruba
Ultimo simannan a mira varios grupo y organizacion, den nan
campaña anual, of semi anual, of di cada temporada, yenando
saconan enorme cu decenas di tonelada di sushi. Algun cien
hende ta tuma parti anualmente den e accionnan aki cu ta ac-
cion di “heroenan arubano”.
Riba tereno di beach y rif cleanup e hacimento limpi ta mas
popular y ta haya mas promocion pa motibo di patrocinadornan
nan tras. Pero masha importante ta di esnan cu ta haci limpi
den barionan y distritonan. Tur ta nos heroenan.
Di tur manera nan ta un accion turistico cu ta mustra un sen-
tido di caridad di un grupo grandi di centenares di hende cu
por nada, gratis, completamente gratis ta bay entama un
proceso pa limpia un parti di Aruba.
Hende lo no kere cu tin asina tanto hende y ainda falta dece-
nas , si no ta centenares mas pa pone man na obra, “free of
charge” manera arubanonan ta bisa awendia na Papiamen-
to.
Prome cu nan cuminza, nan sa caba cu nan no por limpia Aruba
completamente. Ta hendenan cu ta mira sushi cu regularidad y
cu ta molestia, rabia y ta indigna, pasobra nan isla ta un isla
asina bunita y cu ta pasando den e circumstancianan aki.
Esaki no ta un situacion di awor. E ta un situacion cu pa hopi
tempo ta tumando lugar y cu mester stop riba termino mas lihe
posibel. Pero e ta sigui!
E biaha aki ta nada straño cu bo ta tende asunto di Aruba
Clean Up y cu mañan bo ta tende mes ora su tras “Aruba
Dirty Up” pa susha tur cos bek. Mester corda bon no, cu tur
cos cu e hendenan aki a cana piki rond di nos isla, den lama y
riba rif, ta hende a tira nan eynan. Tur sorto di rommel, pork-
eria, potoshi, tur sorto di cos cu hende mester deshaci di dje,
a hisa benta unda cu ta.
E cos cu tin ta cu den e grupo tabata tin un set di hende nobo
cu a bay cu e mes afan, pero tabata tin tambe un grupo di
hende cu a bisa publicamente -- a lo menos nan a bisa ami y
algun otro- cu nan a bay of a yega di bay, pero no ta bay mas,
pasobra nan a sinti cu e Clean Up nan ta “awa carga hiba
lama”. No ta bin cla nunca!!
Aruba, bo ta perdiendo asina un recurso importante di hende
cu tin un amor, un stimacion pa nan pais, pero cu a entrega
pasobra nan ta ripara cu nan ta bringando contra un cos cu no
ta bin cla.
Bo no por duna ningun hende verbaal si nan benta sushi
afo. Bo no por castiga ningun hende pasobra el a benta sushi
manera e ta haya ta bon, den su pais, cu ta bo pais.
Bo tin cu soporta esaki y otro aña como bon mucha bo tin cu
bolbe pa piki su porkeria atrobe. E cos aki no ta husto. Loke ta
pasando ta inhusto totalmente. E inhusticia prome ta contra
Aruba como pais, como isla como tur cos.
E di dos ta, cu e ta un inhusticia contra esnan cu ta entama
e asunto aki. Nan ta regala un dia liber, un dia cu nan por haci
otro cos cune, pa den forma gratuito, como hende cu ta stima
e isla, e pais aki, ta expone nan mes pa bay sinta y traha den e
accion di limpieza aki.
Nos tambe ta pega den un dilema, pasobra di un banda nos ta
di acuerdo cu ora bisa “stop cu sushamento di nos isla. No
por !!” Esaki no ta alternativa.
“Entrega, y e ora ey Aruba ta sigui sushi”, no ta un alterna-
tiva tampoco.
Nan ta colecta algun mil kilo di sushi y si nan no a sali bay haci
PAGINA 19
e cos ey, tur e miles di kilo ey lo ta benta tur caminda keto bay
y riba dje lo a bin tur loke e grupo di “Dirty Up”, cu nunca ta
stop, a sigui benta e dia despues en adelante. Tur esaki paso-
bra nada ta pasa. Aki e tarea ta di gobierno!
Aki e tarea ta di e entidadnan cu tin cu tene cuenta y proteha
y defende nos medio ambiente. Aki ta esnan cu a para mira
cu e cantidad di sushedad a produci hopi mas sangura y chi-
kungunya aña pasa y na comienzo di e aña aki, y awor ta riba
abao pendiente cu ora awa cuminza cay kico ta bay pasa ora e
bendito Zika yega nos isla ademas ?
Zika ta colgando na un fragmento di bom cu a flotando di
Paraguana pa Aruba desde cu e bom a wordo dispara durante
e entrenamento maritimo militar e siman cu a pasa. Zika ta den
porta di cas.
Esaki ta e momento, pasobra tin hende, tin un servicio di Me-
dio Ambiente, tin organizacionnan cu mester ta encarga cu e
asunto aki y si nan no ta encarga, anto encarga nan!
Tin un ministerio cu su director, su secretario general of
secretario admiral, su “Tolder” y “Geholder de bolder”, su
“Hoofd van dienst y su Voet van dienst” y hopi cos ey den,
cu mester ta esun cu ta entamendo e cosnan aki. Tur ta cay
bao di un minister.
Tin un minister cu ta responsabel. Tin un parlamento cu 21
persona sinta den dje cu mester exigi cuenta y razon di e man-
datario ey pa e trabao aki sosode den sentido cu ta mehora e
sistema di piki sushedad. Mas cu esey ainda....., cu ta castiga
esnan cu ta susha Aruba eternamente manera nan ta haya ta
bon, sin tin cunez. “Si mi ta biba aki banda, mi ta tira mi
sushinan poco mas pabao aya caminda no ta molestia ami
!”
Anto e cos aki ta pasa constantemente. Nos no ta bayendo
sigur den un direccion cu ta coge tur hende. Pero ora bo coi
algun y anunci’e y publik’e, anto bo bisa cu si nan ripiti, bo ta
publica nan nomber y adres cu tur cos pa hende sa di kende bo
ta papia, y ora bo dun’e su boet y su castigo e ta coi curpa pura.
Esaki pasobra ningun hende no ta dispuesto pa perde 25 of 50
florin djis pasobra nan a deshaci di sushi y potoshi y porkeria
na un manera cu no ta adecua.
Pero ta un inhusticia grave contra tur esnan cu berdaderamente
ta lucha pa e causa aki, y ta haci loke nan a haci, yenando
tonelada di sushi den saconan pa tene nos isla limpi y volun-
tariamente.
Para mira con hende ta sigui susha, ta un inhusticia. Pero
e super inhusticia ta di mira hende susha y nada ta pasa,
pasobra e cos cu tin cu pasa di parti di e servicionan concerni;
di parti di tur nan directornan , hefenan, secretarionan gen-
eral, secretario admiral, tur “tolder y geholder de bolder”,
Hoofd van dienst y voet van dienst y di parti di e ministro cu
ta encarga cu e tipo di servicio of servicionan ey, no ta tuma lu-
gar ni e pasonan adecua pa tuma accion drastico contra esnan
cu ta sigui susha keto bay.
E aspecto di sushedad, ta un cos inacceptabel. E hecho cu bo
ta laga hende haci e cos aki, sin cu bo ta castiga ningun hende,
ta absolutamente condenabel . Y esnan cu ta permiti e situa-
cion aki sin tuma e pasonan, loke sea cu tin cu tuma, pa e cos
aki no sosode, ta algo cu no merece ningun clase di respet
di ningun ciudadano drechi di e isla aki.
Juby Naar