Page 15 - AHATA

Booshi Wever: Alan Howell Tin Beneficio Cu

Aprobacion Di E Ley Nobo Di Serlimar

 Featured

 Politica
- 17/02/2020

UPP a tuma nota di un conferencia di prensa di Parlamentario Alan Howell na unda a
expresa su opinion encuanto aprobacion di e ley di Serlimar cu den dos ocacion a wordo
debati y posponi den Parlamento.

Segun e Parlamentario ta di suma importancia pa mas pronto cu ta posibel aproba e ley
aki sin mas, pasobra cada posponemento ta un desapunto pa e habitantenan di
Parkietenbos y un problema pa e caha di Gobierno cu ya caba ta conoce su retonan.

UPP a mustra caba cu e ley aki NO tin nada di haber cu e dump na Parkietenbos y cu lo
NO encera un alivio p’e bario. E ley ta mas bien e.o. un set di medida riba e pueblo y e
turista y un labamento di cabez di Otmar Oduber.

Remarcabel di henter e splicacion cu sr. Alan Howell a duna pakico mester aproba e ley
mas liher cu ta posibel, e Parlamentario ningun momento a dedica atencion n’e corupcion
cu a tuma lugar na Serlimar.

E hecho cu a retira e Director cu a wordo tuma den servicio (handpicked) dor di su ex-
Hefe, esta Otmar Oduber. Tampoco a dedica un seconde pa splica dicon te ainda no tin
un plan integral pa maneho di desperdicio na Aruba.