Page 17 - AHATA

UPP a haci e trabou inicial pa Parlamento a haci entrega na Parlamento di tur e
documentonan cu a ser entrega na MInisterio Publico. No por tin duda riba e veracidad di
e documentonan, pasobra ta documentonan cu nos a haya for di Otmar Oduber mes por
medio di un caso via LAR, pues no por bin cu e “smoesje” cu nan ta “fake”!!

Cu e documentonan aki den man e Parlamento number 10 cu tin e pretencion cu nan SÍ
no ta hiba un maneho tradicional lo mester demonstra cu nan no ta simpelmente un otro
Parlamento pero un Parlamento “otro”.

Si dicidi di no haci trabou di e documentonan cu a ser presenta, mester wordo conclui cu
keto bay na Aruba tin un “Stempelparlement”!!! Si pasa e ley sin un investigacion prome,
e Parlamento aparte di ta un “Stempelparlement” a para bira manera un “koemarkt” na
unda ta intercambia mercancia.

Den e caso aki, ta duna RED su gana pa haya su sosten pa e ley macabro aki. Un ley cu
mas bien lo ta tambe un “labamento di cabez” di Otmar Oduber y alabes un aprobacion di
tur e bagamunderianan cu a bin ta sosode por lo menos desde december 2017. Nos ta
wonder si partido RED ta bolbe bay core den bus pa wak proyectonan corupto manera
nan a haci na 2017.

E documentonan lo ser entrega tambe na ARA y na CAFT pa ningun hende bisa cu nan
no sa di e bagamunderianan den Serlimar entorno e.o. e incinerator chikito. E corupcion
den e asunto di e incinerator chikito t’e top di e “ijsberg” di loke O.O. y su gang a haci
den Serlimar.

Si no hasi nada awor cosnan lo sigui mescos cu loke a pasa den e.o. “Bo Aruba” y esaki
ta inaceptabel, Booshi Wever a conclui.