Page 38 - MIN SOC 13 NOV 2015

22 AWEMainta Diabierna, 13 November 2015

Esfuerzo comun di Universida

Feria di Ed
Salud 201

un e

ARIA JAMES di EPI y su co-studiantenan

no por a kere e cantidad di interes cu tabatin
p’e prome Feria di Educacion y Salud cu nan
institucion a organiza hunto cu Universidad
di Aruba, UA y Instituto Pedagogico Arubano,
IPA. Aria James tabata entre e studiantenan
di EPI encarga pa parti foyetonan informativo
cu informacion di e feria. Un feria cu a brinda
hobennan e oportunidad pa no solamente
haya un chispa di e experiencia di un trabou
militar, pero sigur haya un vision kico nan
futuro profesional lo por ta.

Mayornan cu a mira cu tin hopi opcion na
Aruba mes pa nan yiunan por sigui nan
estudionan mas avanza. Esey tabata e
intencion tambe di e Feria di Educacion y
Salud 2015, organiza den fin di siman na
YMCA San Nicolas. E feria tabata organiza
cu e meta pa informa comunidad di diferente
estudio y curso cu Aruba pero tambe islanan
ruman ta ofrece.
No solamente institucionnan educacion y
profesional a haci uzo di oportunidad pa
expone nan producto, pero alumnonan
hoben, nan mayornan y hasta adultonan cu
interes pa expande nan posibilidadnan di
crece profesionalmente a haci bon uzo di e
oportunidad.

For di mainta tempran a sera e caminda dilanti
YMCA p’asina Arumil y Cuerpo di Bombero
por a pone nan ekiponan p’e demostracionnan
cu a resulta masha popular. E ekipo di K-9 di
Cuerpo Policial tambe a haci un impacto serca
particularmente e hobennan.
Paden e tereno di YMCA mes, diferente
organizacion, for di Cuerpo Policial di Aruba
te na Universidad di St. Maarten a ekipa nan