Page 17 - FDLP

Pre Selecion Femenino di Aruba Softball

Bond lo inicia cu training dialuna 730pm na

veld di Flatstone

4 HORA PASA , 10 DI JUNI 2018 17:31
SECCION: INCIDENTE

Siman pasa Presidente di ASB Endy Croes a firma un contracto cu CONSURSA (

Confederacion Suramericana de Softbol) y WBSC ( World Baseball and Softball Confederation
unda pa promer biaha den historia di softball Aruba lo bay ta Sede y lo “host” un campeonato
Femenino Mayor di CONSURSA. Esaki lo tuma lugar 26 di October pa 2 di November 2018.
Mesun momento Aruba Softball Bond a yama un reunion cu un pre selecion di alrededor 25

atleta femenino kendenan lo bay wordo prepara intensivamente desde dialuna awor y pues lo
tin rond 4 luna di preparacion. Presidente splika tambe cu lo keda monitiroa nos atletanan cu ta
destaca den exterior basa riba nan presentacion 2018 y por tuma desicion pa asercanan.
Finalmente lo forma e 17 atletanan cu lo bira e selecion oficial. Entrenador Luis Pire di
Venezuela kende ta un entrenador bon prepara y entreotro ta e entrenador cu a prepara por
ehempel Maikel Pimentel e pitcher hoben di Venezuela cu a disputa den selecion y a caba di

gana campeonato masculino di CONSURSA den 11 pais, lo bay ta na Aruba pa yuda den e
projecto aki. Un total di 8 pais a confirma nan participacion caba entreotro Brasil. Argentina,
Ecuador, Venezuela, Colombia, Peru pa nombra algun. E campeonato aki lo wordo pasa riba
television y live stream cu un total di 7 camara HD cual lo produci un imagen super limpi y

bunita pa 5 continente rond mundo. ASB kier extende invitacion oficial na tur nos atletanan
femenino pa raporta na veld di Flatstone dialuna awor 11 di Juni no mas laat cu 730pm. Aruba
preparando pa algo historico.