Page 11 - KPA 22 AUG 2015

AWEMainta Diasabra, 22 Augustus 2015 7

Fraccion MEP a haci
pregunta relaciona
cu fayecimento di
turista Venezolano

MANERA ta conoci comunidad di Aruba a wordo sacudi cu e

noticia unda cu un hoben studiante Venezolano a wordo haya
morto den su cel na “Huis van bewaring” dia 3 augustus ultimo.
Segun informe obteni e hoben su status tabata uno ilegal y te cu
dia ey no a haya un contesta concreto kico t’e motibo di su morto.

Despues a sali den prensa dia 6 augustus cu aparentemente e
hoben Venezolano lo a fayece di stikmento. Familiarnan a laga
sa via di prensa cu lo tin duda riba e parti suicidio.
Fraccion di MEP pa haya claridad riba e asunto a haci diferente
pregunta dirigi na Minister di Husticia, mr. drs. Arthur Dowers,
specificamente relaciona cu e investigacion.
MEP ta spera cu e Minister en cuestion por sali afo informa pueblo
y familiarnan por ta mas trankil.

Entrada hudicial
y un detencion

WILLEMSTAD - Diahuebs 20 di augùstùs 2015, alrededor

di 10.25’or di mainta Team di Mantencion di Òrden Público
General a tene un entrada hudicial den un cas na Kaya Yerba
Bueno, Montaña Abou en conexion cu violacion di Ley di Arma
di Candela.
Durante di e investigacion aki Polis a haña entre otro: Un scopèt
di aire convertí den un pistol;
3 bala skèrpi; un klòp; un mùts; ‘verrekijker’ (night vision).

Polis a confiscá tur e artículonan aki y a detené n’e sitio e
habitante di e cas, e hòmber E.M.K., naci na Còrsou, di 27 aña di
edad pa violacion di Ley di Arma di Candela. A present’é dilanti
di un fiscal auxiliar kende a ordená su encarcelamento pa mas
investigacion.