Page 51 - HOH
P. 51
ta habri y cera mucho lihe, por lo menos mas lihe cu e señora por a pasa dor di dje sin cu
el a dal’e duro y mand’e suela. A yama 911 pa pidi Ambulance pero pa un of otro motibo
Brandweer a lubida di meldo e incidente na Ambulance, cu nunca a yega pa brinda
asistencia, te ora cu e nieto mes a yama nan directamente.
No ta custumber di Tromp pa keha of vocifera su preocupacion, pero a opta pa no keda
keto den e situacion aki. Tromp hunto cu su mama y wela tabata na Flora Market na
Dakota. Momento cu a drenta e negoshi, e porta a dal su wela basha abou. Tromp ta di
opinion cu “e sliding door ta cera mucho lihe y no ta duna hende chens pa drenta”. E
“sliding door” a dal e wela asina duro cu: el a bent’e abou y push’e den huki di e entrada.
E victima a haya sla na varios parti di su curpa.
YAMADA
Despues di e situacion aki, Tromp a yama 911 pa pidi presencia di ambulance na sitio
mirando cu e wela tabata keha di dolor. E yamada no tabata fructifero mirando cu el a
splica e telefonista e situacion y cu e victima mester di asistencia medico mirando cu el
ricibi varios sla na curpa. E centralista a keda insisti cu mester splica unda e victima tin
dolor. Tromp y e otro testigonan tabata puntra e victima unda e tin dolor pero sin contesta
riba esaki mirando cu e tabata sclama di dolor y no tabata contesta e pregunta cu nan
tabata haci’e.
