Page 13 - AM210923
P. 13
Diahuebs, 23 September 2021 AWEMainta.com 13
Un persona a bati alarma na momento cu el a mira
su bisiña benta abou den su cas y no tabata reaciona
Diarazon algun prome cu 10’or di mainta,
presencia di Polis a wordo pidi cu urgencia na un
adres na Palm Beach pa un persona benta abou
den su cas y no tabata reaciona.
Den oranan di mainta un bisiña atento a nota cu
su bisiña ta benta abou den su cas y no a lanta y
mucho menos ta reaciona.
Mesora el a dicidi di bati alarma. Na yegada di
Polis enberdad nan a bin topa cu e bisiña benta
abou y tabata mustra cu e persona no tabata duna
señal di bida. Famianan tambe a yega n’e cas.
Mesora e Polisnan n’e sitio a pidi pa autoridadnan
competente, despues a bin resulta cu e persona
lo a fayece di un morto natural.
Rocco Tjon:
“Oido y colaboracion cu sindicatonan den nos trabou
ta un prioridad pa mi persona”
Ayera Minister di Husticia, Rocco Tjon a reuni cu varios sindicato p’asina por pone prioridad riba lo mas
importante, pa un mihor funcionamento di departamentonan cu ta cai bo di su Ministerio. Den transcurso
di dia, a reuni cu entre otro, SINBA, TOPA y SEPPA, mientras cu e reunion cu directiva di SPA y STA ta den
planificacion.
Bon comunicacion y colaboracion ta nos compromiso y esaki ta na bienestar di nos comunidad, segun
Minister Rocco Tjon.
