Page 4 - AB

PAGINA 12 DIARIO DIABIERNA 10 OCTOBER 2025
Joswald Peterson ta

empleado superior di

Aruba Bank

ORANJESTAD (AAN): Joswald Peterson ta empleado
superior di Aruba Bank pa luna di augustus 2025. Un
empleado cu a demostra dedicacion y iniciativa, logran-
do asina e reconocimento aki.
E compromiso di Joswald pa semper brinda un experi-
encia superior na cliente interno di Aruba Bank ta refleha
e balornan principal di e banco. Su dedicacion y manera
proactivo di traha ta crea un impacto positivo.
Den su tempo liber, Joswald su pasion ta 3D printing,
un hobby creativo cu ta duna inspiracion y posibilidad
pa explora y crea obheto innovativo.
Pabien, Joswald, pa ta un empleado cu ta representa e
bon cultura di servicio di Aruba Bank.

Accident basta considerabel

na T-weg di Pos Abao

ORANJESTAD (AAN): Tabata algo prome cu 12’or di merdia,
cu Central di Polis a dirigi patruya di Polis na e T-weg di Pos
Abao y Hato, pa un accident.
E unidad di Polis cu a yega eynan, a bin haya e accident net
dilanti cas Hato 15, na altura di e T-weg aki. E choque tabata
entre un auto deportivo y un vehiculo Van. Polis a nota cu e
chauffeur di e Hyundai H1 Van ta herida, y pesey a pidi Am-
bulance.
E accident a socede ora cu e H1 Van ta bin for di Bubali
yegando e T-weg, y a subi caminda sin duna preferencia na un
Nissan Fairlady Z color blanco cu tabata bayendo pabao.
E chauffeur di e Nissan no por a evita un choke, y a dal fuer-
temente den e banda robez di e Hyundai, y a pone esaki draai
bek casi cara panort bek.
Ambulance a yega, y a atende e chauffeur di e Hyundai. E
daño material ta considerabel.