Page 13 - AM220926

Dialuna, 26 September 2022 AWEMainta Comunidad

CMB ta celebra y ta duna bek na comunidad

iasabra anochi CMB a tene su “Block Party

D for Charity” cu tabata un celebracion hunto
cu comunidad di Aruba en conexion cu 60 ani-
versario di e banco.
Den un record di menos di 2 ora a bende e maximo

di 600 ticket (Afl. 15.00 cada uno) di cual e
banco a match cada contribucion di e publico
florin pa florin pa un total di Afl. 18,000.00.
Asina mes gerencia di e banco Sres. Paul

DeWolfe y Roberto Dijkhoff a rond af e suma
final na e bunita montante di Afl. 25,000.00 cu
lo bay completo pa Fundacion Contra Violencia
Relacional (FCVR).

Srta. Audrey Croes (Presidente di FCVR) hunto
cu un ekipo di boluntario di e fundacion a ricibi e
check simbolico aki riba escenario di cual suma
sigur lo bay pa yuda nan logra sigui asisti e

comunidad di Aruba.
Publico a gosa di un bunita anochi cu tambe
a bay acompaña pa un Jingle Contest entre e
empleadonan di banco acompaña pa e profe-

sionalnan di Live Music Aruba. Ademas a cera e
anochi cu Massive Brass Band den nan uniform
y cu un show completo.
CMB kier a gradici tur su empleadonan bolun-

tario cu a yuda prepara y tambe percura pa tur
cos cana bon durante e anochi special aki.
Mas cu tur CMB lo kier a duna un danki di curason
na henter comunidad di Aruba, specialmente

esnan cu a cumpra ticket, pa haci e “Block Party
for Charity” un exito.

13