Page 15 - AM220926
P. 15
Dialuna, 26 September 2022 AWEMainta Comunidad
Como muestra di aprecio
Banco di Caribe a topa cu Agencianan di Auto
os ta sumamente agradecido pa e bon
“Ncolaboracion cu Banco di Caribe a bin ta
ricibi cerca agencianan di auto. Ta p’esey mes
nos ta gradici un y tur pa nan presencia awe na
nos Car Dealer Event 2022”, esaki tabata pal-
abranan di bon bini di Sr. Elvin Maduro siman
pasa diahuebs na Ricardo’s Restaurant.
Pa di dos aña consecutivo Banco di Caribe a topa
cu representantenan di benta di agencianan di
auto na Aruba. E biaha aki e ‘Car Dealer Event’
a tuma luga na Ricardo’s Restaurant na Aruba
Beach Club Resort y a resulta masha exitoso.
A combina bon combersacion y algo di come
y bebe den un ambiente cu bista riba lama tur
hende por a disfruta di un momento ameno inter-
cambiando cu otro. Director di Banco di Caribe
Sr. Elvin Maduro a gradici tur agencia di auto pa
e sosten continuo.
Naturalmente Banco di Caribe ta haci su maximo
esfuerso pa tur cliente ta contento cu e servicio
y e fiansa pa nan auto. E compromiso ta, pa
keda honra confiansa di e comunidad di Aruba!
Riba fotonan por mira parti di e evento cu Banco
di Caribe a organisa como muestra di aprecio na
agencianan di auto.
15
