Page 15 - AM240711

Diahuebs, 11 Juli 2024 AWEMainta DEPORTE 15
DEPO R T E

deporte@awemainta.com

Inglatera ta manda Hulanda cas!

E ekipo cu mas nan ta cuestiona den e finalistanan,
esta Inglatera, ta manda e faborito pa gana e copa,
Hulanda cas.

Inglatera cu apenas 1 wega gana den e prome
buelta, conta di Serbia c’un score di 1-0, despues
ta tabla contra di Dinamarca y Slovenia, ta pasa cu

apenas 5 punto como e lider di grupo C. Un Hulanda
cu a bin ta demostrando un nivel cada biaha mas
halto, mientras nan ta progresa den e torneo, a
haci nan mes como un di e faborito pa gana e titulo

diadomingo. Pero Inglatera e dicidi otro!

Hulanda ta habri e marcador c’un tremendo gol
di Xavi Simons na di apenas 7 minuut y despues

di esey ta manera tur cos a para. Hulanda a baha
nan atake, a mustra perdi riba veld y baha comple-
tamente den defensa. Inglatera ta haya un pinalti
na di 17 minuut, debi na un entrada di Denzel

Dumfries. Akinan e capitan, Harry Kane, kende lo
retira di futbol despues di e Euro Cup, a anota e gol
di empate pa su pais.
Asina e minuut nan a keda pasa y niun ekipo a

logra hinca mas gol. Mester remarca cu despues
di e carchi geel pa Denzel, e dinamica di Hulanda
a cambia por completo. Denzel mester a baha su
intensividad p’e no ricibi otro carchi mas, cual

lo no unicamente sake for di e partido pero lo a
perhudic’e p’e final. Y por tuma nota claramente cu
Denzel tabata e persona cu constantemente tabata
inicia e atake nan di Hulanda.

Tur cos tabata mustra di bay extra tempo, cambio
nan a wordo haci pa trece pianan fresco riba veld.
Un di e cambio na di 81 minuut tabata Ollie Watkins

pa Harry Kane, kende na di 90 minuut exacto ta
ricibi e bala, no a pensa 2 biaha, a bira y shoot
direccion portero y hinca e gol pa Inglatera vence
Hulanda. Por a nota e dolor mes ora den e cara di

e Hulandesnan kende no por a compronde kico a
caba di pasa.

Awo aki Inglatera lo bay enfrenta Spaña diado-

mingo, 14 di juli pa 3or di atardi pa por yega n’e
pais campeon di Copa Europa 2024.