Page 19 - AM240711

Diahuebs, 11 Juli 2024 AWEMainta DEPORTE 19

Wander Franco acusa pa

abuso sexual di un menor

E shortfielder di Tampa Bay Rays, Wander
Franco, a wordo acusa formalmente di abuso

sexual y explotacion sexual di un menor na
Republica Dominicana.

E anuncio a bin di Fiscal di Oficina di Distrito

di Puerto Plata, Kelmin Duncan, y di vocero
di Oficina di Fiscal General, Nairobi Viloria.
E acusacion formal a wordo presenta ayera,
superando e fecha inicial pa 5 di juli.

Franco ta bou di investigacion for di 10 di juli
2023, despues di un denuncia cu ta alega cu
e tabatin relacion sexual cu un mucha muhe

di 14 aña.
Inicialmente acusa di explotacion sexual
comercial y labamento di placa riba 3 di
januari, Franco a enfrenta cargonan revisa di

abuso sexual y psicologico seis dia despues,
despues di un revision adicional di un hues
Dominicano.

Un documento completo di 600 pagina, ta
detaya e evidencia contra Franco. E ta inclui
transcripcion di entrevistanan cu e mucha
muhe y su famianan, como tambe mensa-

henan intercambia entre Franco y e menor.

Jay Reisinger, abogado di Franco cu cede na
Merca, a nenga di haci comentario y a indica

cu Franco no a ricibi notificacion formal di
ningun cargo.

Mientras e investigacion ta continua, Major

League Baseball y e Asociacion di Hungadonan
di MLB a extende e licencia administrativo di
Franco te cu 14 di juli. MLB tambe a inicia un
investigacion separa riba e caso, cu lo sigui

despues di e resolucion di e caso penal.

Franco, di 23 aña, a firma un extension di
contracto pa 11 temporada y 182 miyon

dollar cu Rays na november 2021, apenas 70
wega den su carera den Grandes Ligas.