Page 6 - on jan 19,2016

Coastal Carolina Universty ta ofrece studiantenan Arubiano tarifanan
preferencial
Monday, 18 January 2016 20:02
Tweet

Comparti

E tarifa cu un studiante cu ta procedente for di pafo di e estado South Carolina ta paga na Coastal Carolina
State University ta generalmente tres biaha mas cu un studiante di Aruba lo paga na e universidad pa su
educacion.

Acuerdonan entre Aruba y South Carolina como "sister states" ta haci posibel pa e universidad ofrece
studiantenan di Aruba e mesun tarifa cu ta cobra studiante "in state", cual ta traduci den un descuento cu
ta surpasa 60%.
Pa mas informacion tocante di e beneficio aki, Ministerio di Enseñansa y Coastal Carolina University a
organisa un sesion di informacion cu ta tuma luga cuminsando pa 7'or di anochi riba diamars, dia 19 di
januari (AWE!), na Colegio EPI.
Representante di e universidad, Kenley Jones ta na Aruba y ya a bishita diferente scol secundario pa
comparti informacion cu futuro studiantenan y nan famianan. E sesion na Colegio EPI ta gratis y habri pa
tur esunnan cu no por a atende un otro sesion na nan scol, ta studiante di otro scol of ta simplemente
interesa pa cuminsa of sigui un estudio p'afo di Aruba.
Jones lo duna un splicacion amplio tocante di e universidad y e "tuition fee" special. Tur studiante y nan
famianan cu atende e sesion ta invita pa haci pregunta tocante di e universidad, e acuerdo pa cu e
"schoolgeld" y e cursonan cu e scol ta ofrece.
Kenley Jones ta agrega cu e universidad ta ofrece mas di 70 programa academico, incluyendo marine
sciences, hospitality & tourism, business administration, fine arts, y mas.
El a subraya cu e "resident state tuition" ta algo cu e universidadnan cu ta "public state university" ta
ofrece y cu "Aruban residents" ta paga exactamente e mesun tarifa cu e studiantenan cu ta residente.
Esaki sigur ta un beneficio hopi grandi pa hobennan di Aruba cu ta interesa pa studia na Merca.

http://www.24ora.com/politica-mainmenu-18/104279-coastal-carolina-universty-ta-ofrece-
studiantenan-arubiano-tarifanan-preferencial