Page 13 - ATA JUNE 17

AWEMainta Diaranson, 17 Juni 2015 17

Di acuerdo cu Nickolas Cabral dos Anjos

AMAZONAS, un
destinacion pa explora

DEN presencia di varios miembro di prensa invita y

representantenan di varios agente di biahe na Aruba, den e
sala di conferencia na Hotel Riu Antilla, Nickolas Cabral dos
Anjos, Director di Mercadeo p’e Departamento di Turismo na
Amazonas, Brazil, a duna un presentacion pa promove turismo
na Amazonas.

Amazonas no solamente t’e estado mas grandi di Brazil sino
tambe di henter mundo. cu un populacion di 3.5 miyon
habitante. Capital di Amazonas ta Manaus.
E estado di Amazonas ta cubri 1.5 miyon kilometro cuadra di
tera. Amazonas ta un destinacion Eco-turistico.
Gobierno ta proteha e bosque (forest) dor di leynan severo
y castigable pa preveni cu hendenan ta corta palonan y saca
mineralnan for di e tera.

T’asina cu InselAir a cuminsa cu buelnan directo entre Aruba
y Manaus dos biaha pa siman. Y e Gobierno di Brazil ta
promoviendo Amazonas na Aruba p’asina atrae mas bishitante
di Aruba na nan pais. “Esaki no ta nos prome biahe pa Aruba pa
purba logra buelonan entre Amazonas y Aruba.
Nos a yega di bin caba mas o menos 6 aña pasa na unda tabatin
intercambionan di idea pa nos cuminsa buelonan.

Sinembargo nos no a logra. Pero awe, mi ta para aki dilanti, y cu
orguyo mi ta bisa, cu InselAir ta brinda buelonan entre Amazonas
y Aruba dos biaha pa siman y mi ta spera cu pronto nos por
cuminsa buelonan tur dia entre e dos paisnan.” sr. Nickolas ta
conclui su presentacion.

Despues di esaki, a sigui un almuerzo, unda e presentenan na
nivel personal por a intercambia di idea cu esnan di Amazonas.