Page 47 - HOH

Ora el a yega Aruba, e no tabatin sintoma. Pero desde Diamars caba el a ripara cu su
curpa ta haci raro. Pa Diaranson el a cuminza sinti su mes mas malo.

A dura te Diahuebs anochi pa test e persona aki, y e ora numa a pone den isolacion en

espera di e resultado. Pero ya for di Diaranson henter dia, y tambe Diahuebs henter
dia e tabata canando liber tur caminda, y na WEB Aruba NV tambe.

Diabierna merdia banda di 1:00 pm, e resultado di test a drenta, y a sali na cla cu e

turista Mericano aki tin Covid-19.

Trahadornan di WEB Aruba NV ta nada contento cu e desaroyo aki, y nan ta hasta haya
cu autoridad local a tarda pa atende e persona aki. Tin hasta algun empleado na e

compania cu a wordo priminti cu lo haci test di Covid-19 mesora cu nan.

Pero despues di a warda asina hopi, na final e trahadornan a djis haya ordo pa bay cera
nan curpa na cas, esta impone un cuarentena riba nan mes, y keda vigila pa sintoma.

Esey ta bin debi cu DVG na Aruba ta sigui protocolnan y no ta test hende cu no tin
sintoma.

Diabierna hendenan a ripara cu hopi trahador di oficina y demas seccion a bay cas. Ta
solamente personal di planta a keda pa laga e produccion di awa y electricidad keda
draai.

Sugerencia pa trahadornan di WEB Aruba NV, pa vigila nan mes, nan yiunan, y nan
estado di salud e dianan venidero, y si acaso nan haya sintoma, pa contact mesora e
Call Center pa asina nan wordo manda pa Centro di Diagnostico pa haci e test.

https://www.diario.aw/2020/03/e-mericano-aparentemente-tabata-mustra-sintoma-di-4-dia-pasa-
caba/