Page 49 - HOH

ORANJESTAD (AAN): Diabierna merdia
durante un conferencia di prensa extraordinario, Prome Ministro Evelyn Wever-Croes
como lider di e pais a haya e tarea pa anuncia na Aruba henter, cu e resultadonan di
test a drenta merdia, y ta confirma cu 2 persona na Aruba a test-positive pa Covid-19.

PASHENT 1:

Uno di nan ta un persona cu a bin Aruba pa haci consultancy cu WEB Aruba NV, y el a

bin Aruba for di New York. Prome cu esey el a bay cu vacacion tambe na Egipto. E ta
uno cu a bishita WEB Aruba NV ultimo dianan aki, y a hospeda na un Highrise Hotel na
Palm Beach.

Na WEB Aruba NV, ya caba e compania a reuni cu tur Managers, pa asina riba nan mes
a traha un lista di tur hende cu tabatin contacto cu e Turista aki. Esnan cu tabatin
contacto cune, a wordo manda cas y pidi pa keda den cuarentena. Evita di tin contacto
cu otro hende, y monitor estado di salud diariamente pa wak si acaso sintomanan lo

desaroya.

E trahadornan di WEB Aruba NV cu no tabatin contacto directo, DVG ta bay evalua e
situacion hunto. Nan ta enfatiza na e trahadornan di WEB Aruba NV pa nan no bay den

panico. Si abo como empleado di WEB Aruba NV tabatin contacto directo cune, mihor
ta pa bo yama bo manager directo y atende cune. Pero no bay den panico.

PASHENT 2:

E di dos persona cu Covid-19 ta un Arubiano cu a bay New York, y a regresa bek cu e
virus.