Page 12 - MIN TTC 6NOV,2015

cu tin cu haber cu e temporada. Si tin mal tempo of si por ehempel tin un evento na Sur America of Europa e
barconan a sa di cancela den pasado na ultimo momento y ta keda na final un decision financiero pa cada
compania. Nos isla no por competi cu eventonan grandi internacional manera un Worldcup of Eurocup. Den
caso di Pullmantour cu ta forma parti di Royal Caribbean International, sra Arends-Reyes por a compronde cu
nan a hayanan confronta cu nan mester a tuma un decision for di punto di bista di negoshi y duna nan barco
‘Empress’ na e compania madre. Pullmantour cu ta un compania Spaño, cu su mercado principal ta e region
Baltico mester a percura pa nan mercado principal wordo sigura. E momento ey destinacionan manera Panama,
Cartagena, Corsou y Aruba a perde den un solo biaha 18 calls pa motibo cu nos barco ‘Monarch’ cu ta pa e
region di Sur Caribe mester a reemplasa Empress pa ‘zomer 2016’. Ta lamentabel sigur cu Pullmantour no por
a cumpli cu locual nan a acorda na total pero ainda ta keda cu 40 calls y tey tur siman na Aruba desde 2012.
Turismo crucero 2016 lo mester a yega cerca di un crecimento similar cu 2013 cu tabata un aña excepcional
bon pero ta parce si, cu lo surpasa 650 mil pasahero cu lo ta un crecimento substancial compara cu 2015 cu ta
pronostica pa cera cu un 605 mil pasahero. E itinerario di linea nan crucero ta pa cada 2 aña. Cu of sin
cancelacion y fluctuacion nos turismo crucero ta keda stabil cu un 600 mil pasahero of mas pa aña cu den
pasado tabata core den careda di un 500 mil pasahero. No ta solamente e cantidad di pasahero ta conta pero
tambe locual nan ta gasta pa dia esta e ADEX (Average Daily Expenditure) tambe ta subiendo, desde 95 USD
pa persona pa dia na 2012 pa awo un promedio di 112 USD pa dia pa persona. Esaki ta demostra tambe cu e
calidad di turista tambe ta keda importante pa enfoca riba dj’e. Pa 2016 Aruba ta spera barconan grandi manera
Holland America Line, Royal Caribbean Cruises, Celebrity & P&O cu nan miles di pasahero cu ta contento di
por bishita nos isla sra Arends-Reyes ta termina bisando.