Page 9 - MIN TTC 6NOV,2015

“E conferencia a conta cu e participación di Dignatarionan di diferente país Sur
Americano”
Friday, 06 November 2015 08:55

Comparti

Recientemente, Santa Rosa Aruba a wordo invita door di Parlamentario, Sr. Chris Dammers, pa duna un
presentación encuanto di Agricultura Familiar na e Commision di Parlatino encarga cu e aera di
Agricultura, Ganaderia y Pescaderia.

Tambe a hasi e petición pa Santa Rosa por a prepara e sala cu diferente articulonan y matanan pa crea e
ambiente di cunucu. E diseño di cunucu a wordo coordina door di Sr. Randy Maduro, vocero di Santa
Rosa y kende a prepara un bunita set up cu diferente matanan di fruta, articulonan di agricultura local y e
famoso wantomba cu ta representa un parti esencial den e cunucu nan di antes.

Sra. Nathalie Maduro, Directora pa Santa Rosa Aruba, a duna un presentación na e miembronan di e
comisión den cual ela enfoca ariba e diferente scenarionan cu ta presente na Aruba, incluyendo nos
limitacionan y strategianan cu a wordo implementa door di e Santa Rosa, pa por a logra sobrepasa algún
di e limitacionan. Tambe ela splica encuanto di e diferente projectonan cu a wordo introduci durante e
ultimo ana nan y cual tabata esnan cu a sa di sobresali pa loke ta trata resultadonan positivo. Durante e
presentación, Sra. Maduro a splica tambe cu Aruba no mester wordo mira solamente como un isla
turístico, pero awendia hopi esfuerzo ta wordo hasi pa implementa projectonan cu ta beneficia e
seguridad di cuminda local pa e comunidad Arubano. Ela duna varios ehempel di cunukeronan cu a inicia
chikito y awendia a expande y ta logrando resultadonan impresionante, manera Plantage Dabaru, Cunucu
di Jimmy entre otro. Na final di su presentación, Santa Rosa a mustra un video den cual a ilustra
bishitanan na diferente di e cunucu nan rond di Aruba den cual por a distingui esnan cu ta wordo maneha
como projectonan familiar como otronan cu ta funciona ariba un nivel mas comercial. Mester remarca cu
tabata tin varios preguntanan di parti di e delegadonan, pa loke ta trata e limitacionan di awa y e situación
climático di Aruba. Tambe e delegadonan a duna varios sugerencia como puntonan di consideración pa
Aruba. Sra. Maduro a duna tur información nessecario y na final por a ripara cu varios di e delegadonan a
tuma nan tempo pa bin gradici y elogia Aruba pa e esfuersonan cu ta wordo hasi, pa motiva Agricultura
Familiar.

Santa Rosa Aruba kier a gradici Sr. Dammersy demás miembronan di Parlamento di Aruba pa e
oportunidad di presenta y ta spera cu lo por considera pa establece un Commission nacional dedica na nos
Sector Primario di Aruba.