Page 25 - MIN TTC 6NOV,2015

AWEMainta Diabierna, 06 November 2015 33

Festival Indian RIBA invitacion di ‘One Love Aruba
ta bay Pariba
Foundation’, Museo Arqueologico ta
participa n’e ‘Aruba Reggae Festival’
(ARF) e weekend benidero na San
Nicolas.
E razonnan pa acepta e invitacion aki ta
multiple y ta inclui e meta di museonan
rond mundo awendia pa bira inclusivo
di mas grupo posibel den sociedad y pa
promove nan institucion y coleccionnan
bou diverso grupo den comunidad.
Museo Arqueologico ta pues hopi con-
tento cu e por ‘Pop-Up’ Pariba di Brug
e weekend aki pa promove Aruba su
herencia Indian na un forma inovativo.
E genero di musica di reggae ta inspira
riba ‘roots’ pues ‘origen’ y Museo Ar-
queologico ta studia, documenta, cuida
y promove e origen y herencia musical
mas antiguo di nos isla.

Dor di participa n’e actividad aki Museo
no solamente kier mustra cu e ta parti
di nos comunidad contemporaneo, pero
tambe cu e ta sostene e maneho di Min-
ister Oduber pa desaroya San Nicolas
den un centro di herencia cultural.
Un y tur, specialmente famia y muchan-
an ta invita pa bin participa n’e “Fes-
tival Indian” cu Museo Arqueologico
ta ofrece diadomingo awor durante e
‘Community Day’, na Carnival Village,
San Nicolas.
Cuminsando for di 2’or di merdia te
cu 6’or Museo ta ofrece actividadnan
educativo y recreativo manera ‘crafts’,
‘bodyart’ cu stempel Indian y hopi mas!

Descendiente di Indian Wayuu, Tamara
Geerman Gonzalez lo haci ‘facepaint-
ing’ original di Indian Wayuu. Inte-
grante di Datapanic, Jair Britten lo duna
un workshop di traha instrumentonan
di materialnan recicla, inspira riba in-
strumentonan Indian.
Alabez Taiissa Alleine, bailarina y ar-
tista teatral, lo duna un workshop di
baile pa muchanan inspira riba bailenan
Indian.
Participacion n’e actividanan di Museo
Arqueologico lo ta completamente gra-
tis danki na ‘Fundacion 1403’.

Organisadornan di ARF a percura pa
muchanan bou di 12 aña ta drenta
gratis den ‘Carnival Village’ durante e
‘Community Day’! Bini uno bini tur dis-
fruta un Dia di Comunidad, diadomingo
awor Pariba den Carnival Village!