Page 43 - MIN.ECUE

Holmo Henriquez: Partido nobo di un ex minister ta hunga
wega di hipocrita

Friday, 28 April 2017 18:07
Comparti

Partido MAS a tene su conferencia di prensa, caminda cu e lider di partido Holmo Henriquez tabata tin un anuncio
como tambe a toca un tema basta interesante pa loke ta nan bishita na Camara di Comercio.

El a splica cu e reunion aki a bay hopi bon y den bon ambiente. Locual cu a nota si di e reunion aki, tabata cu sa cu
tin un partido cu a sali bisa cu nan a reuni cu Camara di Comercio, cos a bay bon y Camara di Comercio ta riba e
mesun liña cu nan partido y esaki ta e partido nobo di un ex minister.
E pregunta di Henriquez ta, despues cu a reuni cu Camara di Comercio, a nota y a haya bon intendi for di Camara di
Comercio cu nan ta contra e proyectonan di PPP, nan ta contra tur cos cu ta aumenta e costo di haci negoshi, esta

“cost of doing business”, cu ta aumenta tur e gastonan tambe pa comunidad. Esey ta encera cosnan cu ta aumenta
gastonan pa opera un negoshi, esta ANSA, Parkeermeters, e proceduranan cu ta wordo imponi door di Gobiernonan
pa por crea un negoshi, pa desaroya negoshinan chikito un tiki mas.
Henriquez ta puntra su mes, ta na unda e ex minister aki, cu su partido nobo, ta riba e mesun liña cu Camara di

Comercio.
Henriquez kier sa unda e berdad ta sinta den su palabranan. O sea, Camara di Comercio ta gañando of e ex minister
aki cu su partido nobo ta gañando. Y ta duda masha hopi cu den e caso aki Camara di Comercio ta gañando.
Mester ta hopi vigilante riba e cos aki, segun Henriquez. Por corda na lansamento di un di su candidatonan na
cuminsamento di aña, su candidato, kende ta un abogado, a cuestiona e proyectonan di Green Corridor, di PPP

projecten. E candidato eynan, por a bira y puntra su lider di partido eynan mes, kende tabata sinta na su man drechi,
tur tocante e cosnan ey. Pasobra ta e mesun ex minister aki a firma pa e PPP projecten. E mes a firma pa e Green
Corridor. Awe bo ta bin hunga un wega di hipocrita pa laga di pasa cu awor aki ta contra.
Diripiente a bira contra. Awor aki Camara di Comercio ta riba e mesun liña cu e partido. Den e entrevista cu tabata

tin cu Camara di Comercio, Henriquez no a haya e impresion eynan. Si Camara di Comercio ta contra tur cos cu ta
aumenta gasto di operacion di un negoshi, e ora no por ta riba e mesun liña cu e ex minister aki.

Aspecto economico

Durante e conferencia di prensa di partido MAS, lider di e partido, Holmo Henriquez a splica cu a papia riba

diferente aspecto economico. Cosnan cu ta aumenta gastonan pa opera un negoshi. Structura cu nan kier a trece ta
treciendo aden manera un credis. Cu esaki pa bay yuda den crea mas small business pa ciudadanonan. Pero e punto
ta, cu si ta tolera manehonan di Gobierno asina aki y si tin hendenan den diferente aparato gubernamental cu ta

sostene Gobiernonan asina aki, no ta importa cuanto credis pone. E no ta bay logra toch, pasobra toch ta bay limita
esnan cu kier bin cu un negoshi. E cost of doing business ta asina halto cu e ta un riesgo. E risk factor ta aumenta cu
esey. E success rate ta baha. MAS su structura cu a bin propone, cu un credis por forma parti di un plataforma di
locual cu a trece aden, pero e no ta un credis no por bira full e structura. Tras di tur e cosnan aki, e plan ta bou op
henter un sistema cu ta garantisa e success pa e ciudadano cu tin un bon idea, cu tin ideanan lucrativo, pero no tin e

capital, pero si por logra toch haci su business of su idea florece. Y tambe nos studiantenan cu ta bin afo cu bon
educacion, bon enseñansa, bon prepara cu ideanan hopi grandi, e structura aki no ta bay limita nan success.

Bahada di cost of doing business
Esey ta baha e cost of doing business. Un di e enfokenan di e partido ta pa baha e cost of doing business. Tin cu corda
cu no ta solamente e costo cu ANSA ta crea pa e destinacion Aruba, of e costo di e parkeermeternan pa hende por bay