Page 8 - MIN VOS 31 MAART 2016

Minister Alex Schwengle Specialistanan deliberando riba
problemanan di drumimento

Wednesday, 30 March 2016 14:06
Comparti

Ta for di algun tempo pasa caba a cuminsa traha riba un seminario, den cual specialistanan trahando cu
AZV a sinta den e mesun sala pa dialoga riba retonan cu drumimento.

Claro cu e discusion ta hopi amplio y ta atende varios aspecto manera e relacion di bo kaak
(orthodontico) cu "sleeping disorders" manera por ehempel "sleep apnea" den cual bo rosea ta corta ora
bo ta drumi anochi. Si esaki ta sosode hopi ta pone cu e persona no ta drumi profundo, ta lanta cansa y
dolor di cabes, etc. Es mas, e ta un peliger grandi pa e pashent. Durante e conferencia grandi aki a sinta
cu e dentistanan, e seccion di hubentud na departamento di salud publico, dokternan di cas,
specialistanan di pulmon, AZV y Minister di Salud Publico y Deporte. Den esaki e expertonan a repasa e
causanan cu tin como consecuencia problema cu drumimento, cu awendia no ta limita na adultonan so
pero tambe tin biaha den nos muchanan. Minister Dr. Alex Schwengle a splica cu e grupo ey hopi bes no
ta haya e atencion necesario. "Hopi biaha bo ta tende cu un mucha ta fastioso, hiperactivo, no ta
concentra bon, no ta studia bon na scol, sin tene cuenta cu porta su kaak of cachete no a desaroya bon
suficiente. Esey ta haci cu e mucha por tin obstruccion na su nanishi, cu e no ta hala rosea via nanishi
sino via su boca so.

Un mucha asina ta menos fit, no ta drumi bon anochi y consecuentemente no ta studia bon den dia na
scol. Medidanan di prevencion den e tipo di casonan asina ta evita obesidad, pero tambe pa nos
profesionalnan di salud na scol por diagnostica di trempan si e mucha por tin mas problema cu no ta
solamente peso, pues cu por tin un reto cu cachete of nanishi cu consecuencianan conoci. Den e tipo di
dialogonan habri asina ta yega na solucionnan mas duradero y cu ta carga aprobacion y sosten di un base
amplio di profesionalnan. A probecha di tur e profesionalnan pa atende roncamento, cu tanbe tin su
retonan pa salud di e persona. Tur tin di haber cu "sleeping disorders". Lamentablemente ainda Aruba
no ta dispone di suficiente "data" den e tema aki, locual awor a acorda cu AZV y otro partnernan pa yega
na e datonan aki, como un esfuerso pa logra yega na solucionnan duradero pa e pashent y claro, den
cierto forma lo minimalisa e gastonan di AZV tambe den futuro pasobra lo tin menos pashent cu retonan
di salud pa motibo cu no ta drumi bon, no ta descansa y ta desaroya enfermedadnan innecesariamente.