Page 11 - bon-dia-aruba-20210515

A11
opinion Diasabra 15 Mei 2021

‘Kico ta pasando den nos enseñansa!’

Pueblo di Aruba “ojo” e minister demisionario tin boze plannen pa cu
nos enseñansa!

Ta casi fin di un aña escolar turbulento. Despues di e caida di gobierno lo
pensa cu porfin lo por hala un rosea fuerte y laga enseñanza cuminsa encamina
un rumbo nobo.

Pero tin hopi señal cu e minister Demisionario sr. Lampe,ainda tras di cortina
ta purba perhudica nos enseña mas.

Ata aki poco ehempel:
• Majornan sa cu entrante e aña escolar nobo Minister Demisionario
Lampe kier introduci na tur scol di enseñanza preparatorio te cu segundo
grado un sistema multilengual SIN cu tin preparacion debido pa esaki. E
muchanan di e scol piloto Multi lengual apenas a yega scolnan secundario.
No tin ningun rapport con e muchanan aki ta funcionando den nos scolnan
secundario. No tin ningun prueba si e scolnan multi lengual a trece cambio
positivo pa e muchanan cu a drentascolnan secundario. Y si tin mes, di con no
a publica esaki cu cifra realistico pa pueblo sa si e meta aki a wordo logra??? No
por haci esaki pasobra Covid 19 a drenta y no por a haci ningun onderzoek.
Tambe mester remarca cu ta mucho tempran pa haci un investigacion riba algo
asina importante.
• E maestronan di enseñanza preparatorio te cu segundo grado awor
numa a cuminsa haya les pa introduci scol multilengual. Esaki no ta un prob-
lema grandi pero ban pone tur cos o peen rijtje. Ta bay instrui e muchanan
specialmente di prome y di dos grado na diferente idioma. Bo maestranan tur
ta capaz pa duna esaki?
• Pa masha aña papiamento a haci su entrada den scolnan preparatorio.
Algo cu a tuma luga despues di hopi investigacion y preparacion. Introduci-
endo ingles, spaño y hulandes ta algo nobo. Mayornan kier sa e contesta di e
siguiente preguntanan:
• Tin suficiente maestro pa haci e trabou aki. na spaño y ingles.
• Tur maestro por papia debidamente e dos idioma nan pa por duna les • E maestronan ta domina e pronunciacion di e idiomanan aki pa nan
por instrui nos yiunan debidamente?
• Tin suficiente material pa duna instruccion pa e materianan aki?
• Tin suficiente buki pa e maestronan traha cu ne?
• Tin suficiente buki pa e alumnonan.
• Mester bay traha copia cu ta hopi malo pa nos yuinan pasobra hopi
biaha no por comprende si no tin distincion di color.
Pakico e preguntanan aki?
Nos tur sa cu tur aña mester bay Hulanda pa busca maestronan nobo.
Tur hende sa tambe cu e minister demisionario a manda tur e maestranan
experiencia riba 60 aña cas.
Tambe e minister ta yena e klasnan pasobra NO por parti un klas si no yega na
36 mucha den un klas. Pues tin klasnan di prome grado cu mas di 30 mucha
den klas. Absurdo esaki ta.

No tin placa pa buki y e minister “doodleuk” ta bisa cu tur cos por wordo haci
online. E minister no a mira e desastre cu a pasa aña pasa cu lesnan online.
Ainda tin scol cu no a logra sera e buraco cu a wordo crea aña pasa. Ainda tin
scol cu no por haya wi-fi debidamente. Awor cu tin tanto famia den necesidad
cu no por paga SETAR ni pa telefon, imagina bo wi-fi. E minister aki ta pre-
tende cu tur mucha por haya nan material online. Den ki mundo irealistico
e minister aki ta biba. Net esnan cu tin mas necesidad ta wordo perhudica
den nan enseñsa pa un minister cu no tin e pueblo aki na pecho. E no ta biba
den e casnan di esunnan menos privilegia. E no sa di nan dolor. E no sa con
Covid-19 realmente a afecta nos hogarnan. E no ta interesa den sa tampoco.

Escritor anonimo. Nomber y adres conoci pa redaccion.