Page 15 - AM240816
P. 15
Diabierna, 16 Augustus 2024 AWEMainta INTERNACIONAL 15
Base militar Aleman ta cera pa miedo
di sabotahe den suministro di awa
Riba e mesun dia, nivelnan di siguridad tambe a wordo aumenta na un
base aereo di NATO na Geilenkirchen, siguiendo un incidente similar di
sospecho di sabotahe. Sinembargo, despues di evalua e condicion di awa,
e base no a wordo cera. E tempo cerca di otro di e incidentenan aki a
intensifica preocupacionnan tocante posibel atakenan coordina.
E incidente aki ta sigui preocupacionnan creciente den henter Europa
tocante esfuersonan di sabotahe Ruso. Na mei, NATO a expresa preocu-
pacion profundo tocante e “actividadnan maligno” di Moscu, cu ta inclui
sabotahe, atakenan cibernetico, y campañanan di desinformacion. E inci-
dente na Cologne-Wahn ta subraya e vigilancia aumenta necesario mien-
tras instalacionnan militar Europeo ta keda riba alerta halto.
UN base militar Aleman cerca di Cologne
a wordo cera temporalmente diaranson
despues cu sospechonan a lanta cu su sumi-
nistro di awa a wordo sabotia. E baraknan di
Cologne-Wahn, cu ta alberga rond di 5,500
personal, incluyendo 4,300 soldaat, a wordo
cera mientras autoridadnan a cuminsa un
investigacion den e posibel breach.
E incidente a bin na claridad ora cu un buraco
a wordo descubri den un heki cu ta hiba na
e trabou di awa na e baraknan, lantando
alarma tocante posibel sabotahe. Teniente
Coronel Ulrich Fonrobert, un vocero militar,
a splica cu e base a wordo cera como un
medida di precaucion, teniendo miedo cu e
intruso por ta ainda riba e propiedad. A pesar
di un buskeda profundo, ningun sospechoso
a wordo haya.
Mientras cu e baraknan a habri bek desde e
tempo ey, e sistema di awa potabel ta keda cera
como un medida di siguridad. Autoridadnan,
incluyendo polis, polis militar, y servicionan di
contrainteligencia militar (MAD), ta tumando
e incidente na serio y ta investigando e situ-
acion activamente. E preocupacionnan di
siguridad ta refleha un contexto mas amplio
di miedonan creciente na Europa tocante
posibel actividadnan di sabotahe, particular-
mente door di Rusia.
