Page 29 - MINISTER PAUL CROES - APRIL 8 ,2015

Segun partido MEP: Tin 22 hende na jobcenter pa
“security” y toch minister ta duna permiso na mas
stranhero?

· Apr 7th, 2015
· Politica

Algun siman atras tabata tin un caso den Corte den cual e minister di labor a demanda un corant pa
rectifica su acusacion pa cu “fiesta di permiso” cu lo ta tumando luga na Aruba. E minister no a gana e
caso y e corant no mester a rectifica. E corant a lansa acusacionnan hopi serio den direccion di e
minister y e partido mas grandi den oposicion tabata en espera di un rectificacion di parti di e medio di
comunicacion. Awor cu e corant mes no a rectifica, pero si a publica acusacionnan grave contra e
minister, ta asunto di Parlamento pa actua. Na fin di dia ta Parlamento ta esun cu ta controla Gobierno.

Un di e acusacionnan masha serio tabata e caso masha cuestionabel caminda cu e minister a aproba pa
varios persona drenta Aruba pa traha como “security” siendo cu den Jobcenter tin 22 persona registra cu
ta buscando trabou como “security”. 22 persona, algun nasi na Aruba, otronan nasi den exterior cu ta
biba aki na Aruba pa hopi aña, pero no por haya trabou, ta wordo hala un banda, ta wordo laga sin
trabou. Y kico e motibo ta? E motibo ta cu e 22 hendenan ey segun e documentacion no ta di confia y no
ta cumpli cabalmente cu trabou. Con e minister por aproba algo asina sin investiga prome? Sin papia cu
esunnan responsabel prome? E companianan di siguridad ta skirbi den nan carta cu na Aruba nan no por
haya ningun cu por haci e trabou ni ta di confia, pero na Haiti si nan a haya hende cu por haci e trabou y
ta di confia. Incluso varios Haitiano biba na Aruba cu nan famia, cu a perde trabou, ta wordo hala un
banda, y p’esey e minister a permiti companianan di siguridad trece hendenan for di exterior. Cu esaki e
minister a viola reglanan y leynan cu e mester respeta! Y mas serio ta cu aparentemente cu esaki e
minister di labor a gaña Parlamento. Pasobra den un carta na lider di oposicion e minister a declara cu e
ta cumpli cu su reglanan y awor ta resulta cu esey no ta e caso. E asunto aki por haya un rabo largo, cu
consecuencianan hopi serio pa minister di labor Paul Croes.

http://masnoticia.com/segun-partido-mep-tin-22-hende-na-jobcenter-pa-security-y-toch-minister-ta-
duna-permiso-na-mas-stranhero/

Nos kier nos derecho y si no, ta accion nos kier

· Apr 7th, 2015
· Local, Splash