Page 14 - AM201105
P. 14
14 AWEMainta Diahuebs, 5 November 2020
Dos persona herida den accidente
serio riba caminda di Sabana Basora
DIAMARS mei anochi birando diaranzon, informacion
ta drenta di un accidente serio riba e caminda di Sabana
Basora. Informacion adicional tabata papia cu un persona
lo a keda benta riba caminda, despues di e accidente.
Mesora diferente unidad policial a cuminsa bay p’e sitio.
Na yegada agentenan a constata cu lo tabata trata di un
accidente entre un Blazer y motorcycle cu segun nos a com-
pronde a resulta di ta un scooter.
Polisnan a papia cu e motociclista y e tabata bisa cu e tin
dolor na varios parti di su curpa.
Mientrastanto un otro agente tabata na Blazer, unda e
chauffeur tambe tabata herida y pega den e auto.
No ta conoci exactamente con e accidente a sosode, pero e
resultado final ta cu e Blazer a kibra e cura di cas y bay
pega contra muraya di e cas. E scooter tambe a keda benta
dilanti por bisa prácticamente total los.
Dos unidad di Ambulance a presenta y tambe dos unidad di
Brandweer. Den un tempo corto bomberonan a logra saca
chauffeur di e Blazer. Tanto e motociclista y chauffeur di e
Blazer a wordo transporta pa Hospital. Con serio ambos a
resulta herida ta desconoci.
