Page 10 - awem
P. 10
10 AWEMainta Diaranson, 22 Juli 2015
Glenbert Croes:
Fraccion AVP mester a
mustra curashi kakiña ora
di para e medidanan cruel
di Gabinete Mike Eman
“MI a tuma nota cu fraccion di AVP a haya curashi kakiña pa desaproba mi gestionnan na Venezuela y supuesto
metemento den asunto interno di otro pais.
Mi ta realisa cu e problema cu AVP tin ta cu nos ta yegando serca na logra e aprobacion pa PDVSA
habri y rescata e refineria di Aruba.
Mi ta realisa cu e grupito doño di AVP cu nan a priminti e tereno di Valero cu practica-
mente AVP a verkavel caba pa nan parti y e waf cu tambe cu nan a priminti caba t’e dolor
berdadero cu AVP tin”, asina Glenbert Croes (MEP) a cuminsa su reaccion.
No ta importa nan sacrifica e interes di nos pueblo cu e reapertura di e refineria
basta nan sirbi e interes personal di AVP su sponsernan perhudicando henter un
pais, perhudicando henter un pueblo y perhudicando e futuro di nos yiunan y nan
generacionnan. Esaki nos digno pueblo no por acepta mas y no por sigi tolera mas.
“Unda AVP su curashi kakiña a keda ora nan mester a para nan Gobierno pa nan no
hisa edad di pensioen di 60 pa 65 aña?
Unda AVP su curashi kakiña a keda ora nan mester para nan Gobierno pa no subi e
Health Tax/BAZV dos biaha?
Unda AVP su curashi kakiña a keda ora nan mester a para nan Gobierno pa no hisa
awa y coriente?
Unda AVP su curashi kakiña a keda ora cu nan mester para nan Gobierno
pa no hisa premie di AZV/AOV?
Unda AVP su curashi kakiña a keda ora nan mester a para Mike Eman y
su Gobierno pa nan stop di hinca Aruba den tanto debe redoblando e
debe di Aruba?
Unda AVP su curashi kakiña a keda ora nan mester a bisa Mike Eman
ta basta no por mas, pueblo no ta soporta mas castigo y medida
cruel y sin misericordia.
No e ora si pa AVP nan curashi kakiña a desaperece y
nan a usa nan criterio cruel pa laga Mike Eman y AVP
suta pueblo cu castigo di medida y ainda falta.
Ainda falta e bank tax/transfer tax, ainda falta e ABB cu
ta otro sorto di BBO. Na Spaño nan ta bisando: AVP esta
de rumba, mientras Aruba se derumba. Ora zero pa AVP
ta yegando”, Glenbert Croes a finalisa su observacion.
