Page 15 - Mnister Mike de Meza

AWEMainta Diaranson, 17 Februari 2016 13

Glenbert Croes (MEP)

PDVSA CITGO lo habri refineria
di Aruba y Valero mester coopera
pa traspasa tur facilidad pa pais
Aruba

“DEN E ultimo dianan aki ta diferente noticia ta circula referente e desaroyo

di refineria na Aruba. Un di mi tareanan ta mantene contacto cu PDVSA y nos
por informa pueblo cu
e compromiso di CITGO
ta uno grandi pa realisa
e re-apertura di refineria
na Aruba. Apesar cu hopi
hende ta nervioso pa cu
e desaroyo di petroleo
PDVSA y CITGO ta mira
oportunidadnan grandi
pa nan compania y di
balor sumamente grandi
pa Aruba y su economia”,
segun Glenbert Croes
(MEP).
“Tambe e posibilidadnan
di opera e refineria riba
gas y despues pa haci
esaki realisabel pa WEB
ta plannan ambicioso pa
bienestar di Aruba. Aruba
ta bendiciona, pasobra
no tabatin ningun otro
compania interesa
den e refineria y mi ta
optimista cu cosnan lo
bay concretisa. Ademas
e aspecto laboral tin nos
atencion y pesey nos lo
kier percura pa tur yiu di
tera haya e oportunidad
pa haya trabou eynan.

Pueblo no mester ta
nervioso, pasobra e
negocionnan pronto
lo revela e re-apertura
oficial y ta nos
compromiso pa continua
na vigila e proceso aki
di serca. Realidad ta cu
Gobierno di Venezuela,
PDVSA y CITGO tin
interes grandi y lo bay
inverti 1.2 biyon dolar
den e refineria. Pesey e ta
importante pa Gobierno
haci’e bon cla na Valero
pa coopera y traspasa
tur propiedad”, Glenbert
Croes a duna di conoce.