Page 34 - MIN VOS

Comite Olimpico Arubano (COA) ta organisando 2 evento

Friday, 09 June 2017 18:48
Comparti

Pa hopi aña caba Coa ta celebra e Olympic Day cu cooperacion di algun partners fiel manera IBiSA, TOTTO y Mc.
Donalds. Pa e motibo aki e aña aki Patrick Werleman, director di Olimpismo di COA, tabata tin e grato placer pa
reuni cu e Caribbean Manager of Communications, sr. Rafael Romero di Venezuela.

Den un reunion ameno sr. Romero den nomber di Mc. Donalds a confirma nan participacion den e Olympic Day
Celebration di 2017. E hecho cu e evento aki ta enfoca riba participacion di muchanan y tambe henter e comunidad
ta un motibo hopi fuerte pa Mc. Donalds sigui participa na dje. E balornan Olimpico (respet, amistad y excelencia)
cu ta para central den evento asina'ki ta exactamente e balornan cu Mc. Donalds tambe ta haya importante.
Tur mucha di scol basico y scol avansa por participa na e Olympic Kids Run cu ta tuma lugar na dilanti Marine Verlof
Center na Eagle Beach y start lo ta 8am. Registracion ta gratis y tur participante lo ricibi un bunita T-shirt y un
certificado Olimpico. E Olympic Day 5k ta tuma lugar na Linear Park y ta start 5pm. Inscripcion pa e 5k aki por
wordo haci na IBiSA y na oficina di Comite Olimpico Arubano.
E prome 100 participantenan di e 5k tambe lo ricibi un bunita t-shirt. Manera custumber IBiSA lo percura pa tin
suficiente guia riba e rutanan y tanbe suficiente refreshments na final pa e participantenan. Den e siman cu ta bin lo
tuma lugar un conferencia di prensa den cual lo duna tur detayes di e eventonan. Pero si ta desea di haya mas
informacion prome cu e conferencia di prensa , por tuma contacto cu IBiSA via telefon 5824987 of COA na telefon
5820031. Por subi e Facebook Page di IBiSA y COA tambe. Por ultimo Comite Olimpico Arubano ta gradici su
partners pa e eventonan aki esta IBiSA, TOTTO Aruba y e sponsor principal Mc. Donalds.

http://www.24ora.com/index.php?option=com_content&view=article&id=122795:comite-olimpico-
arubano-coa-ta-organisando-2-evento&catid=3:deporte&Itemid=7

Aruba Dolphins campeon den

Campeonato Arubano di natacion

un biaha mas

9 June, 2017
0