Page 51 - AVP

Recien tabatin informe cu algun comerciante ta keha, cu turistanan no ta gastando
mucho hopi mas den Restaurantnan. Esey a wordo bisa, siendo cu tur anochi tin algun
restaurant cu ta yen yen, y cu bo por haya reservation despues di kizas 3 dia. Tin
algun restaurant cu ta asina yen di reservacion, cu hasta Concierge di Hotelnan tin

dificultad pa haya un mesa pa nan huespednan. Pues tin algun restaurant ta operando
fenomenal. Y otronan ta sigui sufri.

Kico ta pasando? Algun turista cu pasa den mal experiencia na un Restaurant, ta core

pone un ‘review’ online di e mal servicio, y esaki por afecta e negoshi.

Con happy e turistanan ta? E encuestanan ta algo cu Aruba Tourism Authority ta haci
hopi tempo caba cu encuestanan di e turistanan tanto na Aeropuerto como tambe na

Cruise Terminal na Waf di Playa.

E encuestanan na Aeropuerto ta ser haci prome cu e turistanan bandona Aruba. Segun
e CEO di ATA, esta Ronella Tjin Asjoe-Croes, te cu Augustus 2019 a haya feedback di

como 6.000 turista, pues nan a participa na e encuesta.

Nan ta check den e encuesta, for di “Grado di Satisfaccion” te na “Cuanto ta Gasta” y
“Con ta Gasta” placa na Aruba.

SATISFACCION:

E grado di satisfaccion te cu awor ta basta bon. E turistanan ta hopi satisfecho y ta

dispuesto pa recomenda na otronan un bishita na Aruba. Pero ora bo puntra e
turistanan si acaso nan kier regresa, e score ey ta mas abao.

Ora bo check e comentario positivo vs. comentarionan negativo, bo ta nota cu e parti

positivo keto bay ta draai rond di “seguridad”. Pues e turistanan ta sinti nan mes safe
na Aruba. Tambe nan ta gusta e beachnan, y e amabilidad. Eseynan ta sigui score
hopi “bon” entre e turistanan.

E puntonan negativo ta bay riba “e balor di loke nan ta paga y loke nan ta haya
pe”. Esey ta sigui bin dilanti como un punto negativo.