Page 52 - AVP

Si, e incremento por mire den kico bishitantenan ta gasta. E punto ‘negativo’ cu ta bin
hopi biaha dilanti, segun Tjin Asjoe-Croes, tin di haber cu diferente aspecto. Por
ehemplo ta e “area di Restaurant”. Kizas e oferta disponible ta hopi grandi, pues
competencia ta hopi grandi. Algun restaurant ta beneficia, y otronan no.

E di dos punto ta cu e restaurantnan cu ta beneficia, ta e restaurantnan cu kizas ta
ofrece net loke e turista ta buscando. Aki mester ta hopi conciente cu tin di sigui loke e
consumidor kier. No pasobra un restaurant ta haci “A”, e otro restaurant tambe tin di

haci “A”.

Pues ta hopi importante pa sigui analisis di ATA y haci uso di esey.

Mester realiza cu e bishitante kizas tin otro componente di su viahe cu ta mas eleva den
prijs, y e ora e lo gasta menos na otro caminda. Pues tin otro componente cu tambe
tin di wordo teni na cuenta, y no necesariamente conclui cu e turista ta gasta menos, of
no ta gasta na tal restaurant. E ora bo tin di puntra bo mes, “di con e turista no ta

gastando” cerca bo. Abo como comerciante tin di check kico ta e otro factornan cu
kizas na Aruba tin di maneha mihor.

MESTER INOVACION:

Na opinion di directora di ATA, semper e comerciante tin di diversifica, inova, y trece
mas di tipo di experiencia na Aruba cu no tin actualmente, y cu lo ta bay ta algo cu e
bishitante lo ta buscando. ATA tin tur esaki delinea den diferente rapport, y

gustosamente nan ta comparti esaki.

En general e turista ta sigui di ta hopi satisfecho di Aruba. E ta algo cu tin di sigui
aplaudi, como cu e satisfaccion ey ta bin danki na hopi hende cu ta traha duro.

Toch mester ta cauteloso, como cu tin hopi punto y remarke cu mester di
mehoramento. Turismo ta sigui di ta hopi importante pa e isla, pero corda cu e ta debil
y cu djis algo pasando local of internacionalmente por pone Aruba sinti impacto grandi.

Segun Tjin Asjoe-Croes, na ATA tin contesta riba tur diferente dilema cu ta bin
dilanti. Hasta desaroyo di mas, cuanto mester, cuanto no mester, kico mester, kico no
mester. ATA a haci multiple investigacion, y ta obtenible den 3 rapport clave cu nan a