Page 64 - MIN VOS MARCH 29,2016

48 Djamars 29 Mart 2016

Kontinuashon di pag 11
RESPONS DI GOBIERNU

Mirando e situashon ku
gobièrnu ta laga di deseá pa
ku e ofisina, sr. Concincion
ta di opinion ku esaki tòg ta
poko problemátiko, pasobra
e ta kibra, hòl fundeshi di
Ombudsman.

Na Ulanda e
kumplimentu di parti
gobièrnu ta hopi haltu,
hasta mas ku 80%. E
tarea di Ombudsman ta di
duna rekomendashon na
gobièrnu. Gobièrnu por bai
di akuerdo kuné si òf no.
Lei ta bisa ku gobièrnu ora
e no ta di akuerdo tin di bisa
dikon e no ta di akuerdo
ku e keho. Na Ulanda sa
sosodé ku gobièrnu no ta
bai di akuerdo, pero ta bin
un kontesta dikon no.

Aña pasa Ombudsman
a traha rapòrt riba un
minister, ta hopi komentario
tabatin rondó di e rapòrt aki.
E rapòrt a bai parlamentu
kaminda a debatí riba dje i
hasta moshon a keda aseptá
riba e rapòrt. Pero segun
EXTRA a komprondé di sr.
Concincion e realidat ta ku
nada a sosodé. “Nos lei ta
bisa ku ora gobièrnu haña
e rapòrt nan tin di informá
Ombudsman kiko ta bai
hasi kuné. Ombudsman a
haña e moshon. Pero te awe
no a haña niun reakshon
riba e rapòrt di parti di
promé minister bou di kual
e ofisina di Ombudsman
ta kai. Un ministerio ku ta
kumpli hopi bon t’esun di
finansa, i BPD tambe ta hasi
su bèst. Pero tin ministerio
ku no ta “koperá” ètól ku
ofisina di Ombudsman
i esaki ta algu ku tin di
drecha, sr. Concincion a
tèrminá bisando.

Kontinuashon di pag 11
ARUBA LO POR HUNGA

proseso di refinashon.
Pa algun tempu kaba
Venezuela/PDVSA ta kumpra
krudo merikano pa meskla
ku nan propio krudo. Den
kaso ku ta menshoná
barkunan ku no por karga
i deskargá no ta konosí pa
premier si ta trata di e krudo
na kantidat ku Venezuela ta
buska pa meskla. Un bia
mas premier a bisa ku si
tabatin kualke problema
nan lo a inform’é.
Kòrsou ta trahando duru,
ta sinta ku nan na mesa ku
esnan embolbí pa loke ta
trata refineria. Gobièrnu di
su banda ta enfatisá ku e
kontrakt aktual ya kaba a
informá ku no ta prolongá
esei. PDVSA ta na altura
di esei. Ta negoshando un
kontrakt nobo.