Page 10 - AWEM 100415

10 AWEMainta Diabierna, 10 April 2015

Destaho publico pa maneho
di cafetaria na MFA Noord

PROME cu e siman di trabou aki cera, interesadonan tin oportunidad di busca informacion riba e rekisito y exi-
gencianan relaciona cu maneho di e cafetaria publico den edificio di MFA Noord. Asina director di MFA,
Anky Vrolijk a informa, indicando e etapa cu ta aden pa loke ta e preparacion pa apertura y operacion
di e prome edificio multifuncional den bario.

E documento yama Terms Of Reference ta obtenibel diabierna awo 10 di april na sede di Edificio
di Gobierno na Oranjestad. Adicionalmente, oficina di MFA ta organisa un Dia di Informacion
cu ta programa pa tuma luga diamars 14 di april pa 10:00 di mainta na Dr. Edward Cheung
Center for Innovation na Sasaki. Aki, Directiva di MFA lo ta presente pa duna tur informacion
y detaye necesario, como tambe contesta preguntanan.

Esnan interesa tin aproximadamente dos siman pa entrega nan peticion. E fecha ta limita
te cu diahuebs 23 di april proximo. E rekisitonan ta varios, un ta cu mester ta un compania
local registra na Camara di Comercio.

Directiva di MFA ta desea pa ofrece un sistema di lunch buffet caminda no ta cushina
den e cafetaria mes, pero ta trece e cuminda cla caba pa bende y sirbi. Esaki ta un
concepto conoci caba na Aruba. E espacio di e cafetaria ta aproximadamente 25
meter cuadra, mas 7 meter adicional pa deposito cu e compania mes mester
muebla. Den e reparticion di espacio den e MFA tin un podium riba cual
por pone mesa pa sinta come, pero cu mester por kita ora ta necesario.

E cafetaria lo mester habri durante ora di trabou di e Hulpbestuurskan-
toor, di 7:30 di mainta pa 4:30 di atardi. Vrolijk a bisa cu no ta descarta
e posibilidad di wak den futuro si tin necesidad pa expande e orario. E
cafetaria ta destina na prome luga pa sirbi publico di Noord y henter
Aruba, pero tambe pa e personal trahando den e edificio.